Bugun, 16 iyun kuni Albaniya Respublikasi Prezidentining Özbekistonga rasmiy taşrifi doirasida Köksaroy qarorgohida Özbekiston Respublikasi Birinçi xonimi Ziroat Mirziyoyeva hamda Albaniya Respublikasi Birinçi xonimi Armanda Begayning uçraşuvi bölib ötdi. Bu haqda Mirziyoyeva özining Telegram-kanalida yozib qoldirdi.

Oçiq va samimiy muloqot ruhida ötgan uçraşuvda ikki davlat rahbarlarining rafiqalari Özbekiston va Albaniya xalqlari örtasidagi döstlik va özaro anglaşuvni mustahkamlaş, şuningdek, madaniy-gumanitar hamkorlikni yanada kengaytiriş masalalarini muhokama qilgan.

Madaniy dastur davomida oliy martabali mehmon özbek amaliy sanati ustalarining ijod namunalari, jumladan, yoğoç öymakorligi, qadimiy sözana kaştaçiligi texnikasi hamda ananaviy kulolçilik buyumlari bilan tanişgan.

Dasturning yorqin lahzalaridan biri ananaviy özbek liboslari namoyişi, şuningdek, Özbekistonning turli hududlariga xos jihatlarni aks ettirgan “Kelin salom” marosimi taqdimoti bölgan. Oliy martabali mehmon özbek xalqining milliy anana va urf-odatlariga samimiy qiziqiş bildirib, ularning çuqur tarixiy ildizlari, gözalligi va betakrorligini alohida takidlagan.

Eslatib ötamiz, 16 iyun kuni Köksaroy qarorgohida mamlakatga rasmiy taşrif bilan kelgan Albaniya Respublikasi Prezidenti Bayram Begayni rasmiy kutib oliş marosimi bölgandi. Özbekiston Respublikasi Prezidenti Şavkat Mirziyoyev oliy martabali mehmonni samimiy kutib olib, şohsupaga taklif qilgan.