Abituriyentlarga 1-yönalişda super-kontrakt asosida öqişga ruxsat berildi
2026/2027-öquv yili kiriş imtihonlari natijasiga köra, 2–5-yönalişlardan biriga grant yoki tölov-kontrakt asosida öqişga qabul qilingan abituriyentlar uçun öz xohişiga binoan 1-tanlagan yönalişida öqiş imkoniyati yaratildi. Bu haqda Oliy talim, fan va innovatsiyalar vazirligi xabar berdi.
Qayd etilişiça, tanlovda iştirok etib, 2–5-bakalavriat talim yönalişlaridan biriga davlat granti yoki tölov-kontrakt asosida talabalikka tavsiya etilgan abituriyentlarga öz xohişlariga köra ustuvorligi böyiça tanlagan birinçi talim yönalişida tabaqalaştirilgan tölov-kontrakt (super-kontrakt) asosida öqişga ruxsat berilgan (maqsadli qabul asosida tavsiya qilinganlar bundan mustasno).
Bunda öqişga qabul qiliş oliy talim taşkiloti rektori (direktori) tomonidan belgilanadigan tabaqalaştirilgan tölov-kontrakt miqdorida tölovni amalga oşiriş şarti bilan amalga oşiriladi.
Bildirilişiça, mazkur tartib barça davlat oliy talim taşkilotlariga, şu jumladan, taşkiliy va moliyaviy mustaqillik berilgan OTTlarga ham tatbiq etiladi.
Eslatib ötamiz, avvalroq joriy yilda oliy talimga kirişda maksimal – 189 ball olgan maktab bitiruvçilari soni ötgan yilga nisbatan 8 barobarga oşgani haqida xabar berilgan edi.