Putin “dunyodagi eng qudratli” deb atagan raketa sinovdan ötkazildi
13-05-2026, 16:43
333 марта

Putin “dunyodagi eng qudratli” deb atagan raketa sinovdan ötkazildi
Rossiyada “Sarmat” ballistik raketasi muvaffaqiyatli sinovdan ötkazildi. Mamlakat Prezidenti Vladimir Putinning sözlariga köra, uning quvvati istalgan Ğarb analogidan yuqori. Bu haqda Kreml saytida xabar berildi.Qayd etilişiça, “Sarmat” nomli qitalararo ballistik raketaning sinovlari keça, 12 may kuni bölib ötgan. Strategik raketa qöşinlari qömondoni Sergey Karakayevning sözlariga köra, u Sovuq uruş davrida işlab çiqarilgan “Voyevoda” majmuasi örnini egallaydi.
“Jangovar imkoniyatlari böyiça “Sarmat” öz ötmişdoşidan ustundir, ayniqsa uçiş masofasi, olib çiqiladigan yuk vazni, uçişga şaylik darajasi va mavjud hamda istiqboldagi raketaga qarşi mudofaa tizimlarini kafolatli yengib ötişga imkon beruvçi vositalar majmuasi bilan ajralib turadi.
“Sarmat” raketa majmuasiga ega uçiriş qurilmalarining joylaştirilişi strategik yadroviy kuçlarning yerdagi guruhlari jangovar imkoniyatlarini obektlarni kafolatli yöq qiliş va strategik tiyib turiş vazifalarini hal qilişda sezilarli darajada oşiradi”, deydi Karakayev.
Vladimir Putin “Sarmat” raketasi ustidagi işlar 2011 yilda boşlanganini malum qilgan.
“Bu dunyodagi eng qudratli raketa majmuasidir. Yetkazib beriladigan jangovar zaryadning umumiy quvvati mavjud bölgan eng kuçli Ğarb analogidan 4 baravar köp. Ikkinçidan, va eng muhimi, raketa nafaqat ballistik, balki suborbital trayektoriya böyiça ham harakatlanişi mumkin. Uçinçidan, bu 35 ming kilometrdan ortiq masofada qöllaşni taminlaydi, ayni paytda aniqlik körsatkiçlari ikki baravar yaxşilangan va nihoyat, mavjud hamda istiqboldagi barça raketaga qarşi mudofaa tizimlarini yengib ötiş imkoniyatiga ega”, deydi Putin.
Qayd etilişiça, “Sarmat” 2026 yil yakuniga qadar jangovar navbatçilikka qöyiladi.