Şavkat Mirziyoyev Erdöğanga taziya yölladi
1-06-2026, 08:06
1 039 марта

Şavkat Mirziyoyev Erdöğanga taziya yölladi
Özbekiston Prezidenti Şavkat Mirziyoyev Turkiya Respublikasining Denizli viloyatida yölovçi avtobusi halokatga uçragani oqibatida insonlar qurbon bölgani va jarohat olgani munosabati bilan mamlakat yetakçisi Rajab Toyib Erdöğanga taziya yölladi. Bu haqda Prezident matbuot kotibi Şerzod Asadov xabar berdi.Davlat rahbari halok bölganlarning oila azolariga çuqur hamdardlik izhor etib, jarohatlanganlar tez fursatlarda şifo topişini tilagan.
Qayd etilişiça, baxtsiz hodisa Denizlining Saraykoy şahrida yuz bergan. Izmirdan Antaliyaga ketayotgani aytilgan avtobusda 38 yölovçi va uç nafar xodim bölgan. Avtobus tösiqlarga urilişi ortidan yonib ketgan. Voqea joyiga öt öçiriş guruhlari, tez tibbiy yordam xizmati va politsiya vakillari yetib borgan.
Yonğin öçirilgaç, voqea joyida haydovçi va yetti nafar yölovçi jon bergani aniqlangan. Halok bölganlar qatorida töqqiz oylik çaqaloq ham borligi malum qilingan. Jarohatlanganlar esa tez yordam maşinalarida şahardagi kasalxonalarga olib ketilgan.