Yaponiyada ayiq sabab 94 ta maktab yopildi

Keça, 8 may kuni Yaponiyaning Utsunomiya şahrida ayiq paydo bölgani sababli 94 ta boşlanğiç va örta maktab vaqtinça yopildi. Bu haqda “The Guardian” xabar berdi.

Qayd etilişiça, hodisa mahalliy aholida katta xavotir uyğotgan va politsiya hamda ovçilar ayiqni topiş uçun keng kölamli qidiruv işlarini boşlagan. Malumotlarga köra, örtaça kattalikdagi qora ayiq (taxminan 1 metr uzunlikda) joriy yilning 6 iyun kuni şahardagi park yaqinida köringan. Keyinçalik, u keça, 7 iyun kuni ertalab şahar markazida yana paydo bölgan va kuzatuv kameralariga tuşgan. Videolarda ayiq ikki yoş yigitning oldidan yugurib ötayotgani körinadi. Öşa kuni kun davomida ayiq turarjoy hududlarida ham kuzatilgan, bugun, 8 iyun kuni esa soat 04:00 atrofida şahar markazidan taxminan 2 km uzoqlikdagi sanoat hududida yana paydo bölgan.  

Şahar hokimiyati aholini ehtiyot çoralarini körişga çaqirmoqda. Fuqarolarga eşik va derazalarni yopiq saqlaş, ayiq körinsa unga yaqinlaşmaslik va darhol eng yaqin xavfsiz binoga kiriş tavsiya etilgan. Şuningdek, ogohlantiriş uçun maxsus ovozli avtomobillar şahar böylab harakatlantirilgan.
Politsiya va mahalliy ovçilar uyuşmasi ayiqni topiş va xavfsiz tarzda zararsizlantiriş yoki şahar taşqarisiga haydaş ustida işlamoqda.

Mutaxassislarning aytişiça, Yaponiyada bunday holatlar sönggi yillarda keskin oşgan. Bu yil mamlakat böyiça 50 mingga yaqin ayiq kuzatuvi qayd etilgan. Ayiq hujumlari ham köpayib, ayrim hollarda odamlar jarohat olgan yoki halok bölgan.

Olimlar buni örmonlarda asosiy oziq-ovqat manbalari kamayişi, ayniqsa eman yonğoqlari yetişmasligi hamda qişloq hududlarida aholi sonining kamayişi bilan izohlaydi. Şu tufayli ayiqlar odam yaşaydigan hududlarga köproq kirib bormoqda.