Afğoniston Markaziy banki Eron va Pokiston valyutalarining mamlakat hududiga olib kirilişi taqiqlanganini elon qildi. Bu haqda “Tolo news” xabar berdi.

Qayd etilişiça, Markaziy bank uşbu çora milliy valyuta – afğoniyning qadrini saqlab qolişga qaratilganini bildirgan va tadbirkorlar, pul ayirboşlaş şoxobçalari, transport kompaniyalari hamda sayyohlarni uşbu valyutalarni mamlakatga olib kirişdan tiyilişga çaqirgan.

Bank afğoniyning mintaqadagi köplab valyutalarga nisbatan nisbiy barqarorlikni saqlab qolayotganini alohida qayd etib, milliy valyutani himoya qiliş mamlakat iqtisodiyotini mustahkamlaş uçun muhim ahamiyatga ega ekanligini qöşimça qilgan.

“Uşbu çora afğoniydan foydalanişni ommalaştiriş hamda mintaqa davlatlari va undan taşqaridagi mamlakatlar bilan savdo-sotiq amaliyotlarida xorijiy valyutalar işlatilişining oldini oliş maqsadida körildi”, deydi Markaziy bank matbuot kotibi Hasibulla Nuri.

Ilgari Eron tumani va Pokiston rupiyasi Afğonistonning Pokiston va Eron bilan çegaradoş ayrim hududlarida, ayniqsa, uşbu ikki davlat bilan böladigan savdo munosabatlarida keng qöllanilar edi.

Ayrim iqtisodçi tahlilçilarning fikriga köra, agar uşbu siyosat samarali amalga oşirilsa, u afğoniyning mavqeini mustahkamlaşi, valyuta bozoridagi tebranişlarni kamaytirişi va aholining milliy valyutaga bölgan işonçini oşirişi mumkin.

“Afğoniy mintaqada kuçli qiymatga ega. Oçiğini aytganda, qöşni davlatlarning valyutalari afğoniyga nisbatan kuçsiz valyutalar hisoblanadi”, deydi Iqtisodçi tahlilçi Sayid Masud.

Sönggi oylarda afğoniyning nisbatan barqaror saqlanib turgani rasmiylar tomonidan mamlakatning asosiy iqtisodiy yutuqlaridan biri sifatida baholanmoqda.