“Bizda öq-dorilarning çeksiz zahirasi bor”. Tramp maqtançoqlik qildi
AQŞ Prezidenti Donald Tramp öq-dorilar zahirasi haqida fikr bildirdi va Qöşma Ştatlarning yana bir uruşda iştirok etiş ehtimolini baholadi. Bu haqda u özining Truth Social ijtimoiy tarmoğidagi sahifasida yozdi.
“Bizda örta va yuqori sinfdagi öq-dorilarning amalda çeksiz zahirasi mavjud. Ular uşbu yoki boşqa har qanday uruş (ehtimoli juda past bölgan!) uçun bizga kerak bölişi mumkin bölganidan ança köp”, deb yozdi Donald Tramp.
Oq uy rahbari Qöşma Ştatlar öq-dorilarni “avval kuzatilmagan miqyosda” işlab çiqarayotganini qöşimça qilgan.
“Biz zahiralarni töplayapmiz va har qanday kutilmagan holatlarga tayyorgarlik köryapmiz. Biz ularni boşqalarga sotmasdan, özimizga – AQŞga olib qolmoqdamiz, biroq ittifoqçilarga sotuvlar tez orada qayta tiklanadi”, deb qöşimça qilgan Prezident.
Eslatib ötamiz, avvalroq AQŞ Mudofaa vaziri Pit Xegset Amerika harbiylarini Yaqin Şarqqa joylaştiriş muddatini yaşirinça uzaytirayotgani, çunki Eronga qarşi operatsiya bu yil tugamasligi mumkinligi haqida xabar berilgan edi.