Yevropa Eronni Isroildan qutqaryapti – OAV

Bugun, 20 iyun kuni Şveytsariyaning Jeneva şahrida Eron hamda “Yevrotrio” (Buyuk Britaniya, Frantsiya, Germaniya) va Yevropa Ittifoqi vakillari örtasida muzokaralar bölib ötdi. Bu haqda “Financial Times” xabar berdi.
Malum qilinişiça, uşbu uçraşuv Isroilning harbiy operatsiyasi boşlanganidan beri Eronning Ğarb diplomatlari bilan ilk marta yuzma-yuz aloqasi bölgan. Uçraşuv Eronning yadroviy va ballistik dasturlari taqdiri yuzasidan bölib ötgan.
Muzokaralar AQŞ Prezidenti Donald Tramp Isroilga harbiy yordam masalasida qaror qabul qiliş uçun ikki haftalik tanaffus olgan bir paytda ötkazilgan. Ekspertlar hisobiga köra, Isroil har kuni Eron bilan uruşda 200 million dollargaça yöqotyapti, bu esa ularning uzoq davom etuvçi harbiy kampaniyani yolğiz olib boriş imkoniyatini şubha ostiga qöymoqda.
Yevropa rasmiylari bu uçraşuvni Eronni murosa qilişga undaş va uni AQŞ bombardimonlaridan saqlab qoliş uçun ötkazdi. “The Waşington Post” manbalariga köra, ayni vaqtda Eron özining eng zaif holatidadir va bu Ğarb uçun uni muzokaralarga qaytarişga noyob imkoniyat sanaladi.

“Yadroviy muammoni faqat harbiy operatsiyalar bilan hal qilib bölmaydi. Çunki Eronning bazi obektlari yaxşi himoyalangan va ayni paytda heç kim 60 foiz boyitilgan uran aynan qayerda joylaşganini aniq bilmaydi. Bizga nazoratni tiklaş uçun muzokara va texnik nazorat kerak”, degan Makron.