Sankt-Peterburgda migrantlarga taqiq ortidan taksi narxlari oşdi

Şaharda taksi narxlari 30 foizgaça oşgani aytilmoqda. Tahlilçilarga köra, taksi va kurerlik xizmatlari sohasida özi şundoq ham kadrlar yetişmovçiligi bor edi, yangi taqiq vaziyatni yanada yomonlaştirgan.

Sankt-Peterburg şahrida migrantlarning taksiçilik qilişiga taqiq amal qila boşlagan kuni taksi narxlari 30 foizgaça oşdi. Bu haqda öz hisob-kitoblariga tayanib Fontanka.ru xabar bermoqda.

Jurnalistlar 6 va 7 noyabr kunlari tahririyatdan şaharning turli çekkalariga “Yandeks Taksi” xizmatining “Komfort” tarifidagi safarlar narxini soliştirgan. Taqiq amal qila boşlagan 7 noyabrda narxlar kötarilib, bir kun oldingidan 3,2 foizdan 32,5 foizgaça farq qilgan.
Ayrim foydalanuvçilar taksi çaqirmoqçi bölganida, ilovada: “Haydovçilar yetişmayapti, taksini uzoqroq kutişga töğri keladi. Safarlaringizni ertaroq rejalaştiring. Jamoat transportida tezroq yetib borişingiz mumkin”, degan xabarni körgan.

“Yandeks Taksi” mamuriyati migrantlarga yangi çeklov sababli Peterburgda kirakaşlar soni 12 foizga kamayişini malum qilgan. Gap 4 mingdan ortiq haydovçining işsiz qolişi haqida ketyapti. Ekspertlar bu holat şundoq ham kadrlar yetişmovçiligi kuzatilayotgan sohadagi vaziyatni yanada oğirlaştirişini qayd etgan.
Sankt-Peterburgda muhojirlarning taksi va kurerlik faoliyatlari bilan şuğullanişi gubernator Aleksandr Beglovning avgust oyidagi qarori asosida taqiqlandi. Rasmiylar bu qarorni “norasmiy bandlikka qarşi kuraşiş”, “xizmatlar sohasidagi xavfsizlikni oşiriş” va “talabalarning işga joylaşişi uçun imkoniyat yaratiş” kabi maqsadlar bilan izohlagan.