Madurogaça yana bir davlat rahbari 3 yanvarda qölga olingan

Venesuela prezidenti Nikolas Maduro Panama rahbari Manuel Antonio Norega hibsga olinganiga roppa-rosa 36 yil tölgan kunda qölga olinganini CBS News eslatmoqda.

Katta Jorj Buş 1989 yil oxirida AQŞ harbiylariga Panamaga bostirib kirişni buyuradi, Norega Vatikan elçixonasiga yaşirinadi va keyinroq — 1990 yil 3 yanvar kuni amerikaliklarga taslim böladi.

U AQŞda sud qilinadi, giyohvand moddalar savdosida ayblanib 40 yilga qamalib, şundan 20 yilini Amerika qamoqxonasida ötkazadi (Nikolas Maduro ham narkoterrorizmda ayblanmoqda — tahr.).Norega 2010 yilda Frantsiyaga ekstraditsiya qilinadi, bu yerda sud pul yuvişda ayblab yetti yil qamoq jazosini belgilaydi. Frantsiya 2011 yilda Noregani Panamaga topşiradi, u öz vatanida siyosiy qotilliklar va yana boşqa jinoyatlarda ayblanib 20 yilga ozodlikdan mahrum etiladi. Faqat 2017 yildagina unga uy qamoğiga ruxsat beriladi — uning boş miyasidagi zararsiz ösimtani jarrohlik yöli bilan olib taşlaş zarurati paydo bölgandi. Ammo jarrohlik amaliyoti yaxşi ötmadi. Isyonkor va darbadar siyosatçi 83 yoşida vafot etdi.

Manuel Antonio Norega Moreno (1934–2017) — panamalik harbiy va davlat arbobi, Panama milliy gvardiyasi oliy boş qömondoni, 1983–1989 yillarda Panamaning amaldagi rahbari. Rasman heç qanday davlat lavozimlarini egallamagan, ammo «Panama milliy ozodligining oliy rahbari» unvoni bölgan.