Qozoğistonda qor böronida qolib ketgan uç özbekistonlik qutqarildi

Qozoğistonda Favqulodda vaziyatlar vazirligi xodimlari qor böronida qolib ketgan uç nafar özbekistonlikni qutqardi. Bu haqda vazirlikning rasmiy sahifasida xabar berildi.

Malum qilinişiça, qutqaruvçilar 24 soat içida 87 nafar fuqaro, jumladan 6 nafar bolani qutqarib, evakuatsiya qilgan. Şuningdek, 10 ta avtomaşina qor uyumlaridan çiqarib olingan.

Qarağanda viloyatida “Ostona – Qarağanda” (aylanma yöl orqali) respublika ahamiyatidagi avtomobil yölining 948-kilometrida yengil avtomaşina yöl çetidagi zovurga tuşib ketgan. Maşina salonida Özbekistonning uç nafar fuqarosi bölgan.

Qutqaruvçilar ularni evakuatsiya qilib, isitiş punktiga yetkazgan. Maxsus texnika yordamida avtomaşina tozalangan yöl qismiga tortib çiqarilgan.
Şuningdek, “Ulutau – Jezqazğan” trassasida, Ulutau qişloğidan 35 km masofada yengil avtomaşina qor uyumida qolib ketgan. Salonda 8 nafar yölovçi bölgan. Qutqaruvçilar transport vositasini qordan çiqarib, tozalangan yöl qismiga olib çiqqan, yölovçilar safarni davom ettirgan.

“Qozoğiston FVV fuqarolarni ehtiyotkorlik çoralariga rioya qilişga, ogohlantirişlarni kuzatib borişga va noqulay ob-havoda uzoq safarlarga çiqmaslikka çaqiradi. Qişloq joylarda yaşovçilarga ob-havo yomonlaşganda uzoq piyoda yurişdan tiyiliş tavsiya etiladi”, deyiladi xabarda.