Xorazmda 16,6 mlrd sömlik mineral öğitlarni talon-toroj qilganlar aniqlandi

Xorazm viloyatida tadbirkorlarga tegişli bölgan juda katta miqdordagi mineral öğitlarni talon-toroj qiliş holati foş etildi.

Boş prokuratura huzuridagi Departamentning Xorazm viloyati boşqarmasi tomonidan ötkazilgan tergovga qadar tekşiruvda “M.I.” MÇJ rahbari K.X. “M.Ç.” AJ bilan tuzilgan şartnoma asosida saqlovga qabul qilingan mineral öğitlarni qonunga zid ravişda özlaştirib yuborgani malum böldi.

Tekşiruvlarga köra, umumiy qiymati 16,6 milliard söm bölgan 5 441,7 tonna ammiakli selitra öğitlari özlaştiriş va rastrata qiliş yöli bilan talon-toroj qilingan.

Şuningdek, Farğona viloyati Marğilon şahrida ham şunga öxşaş holat aniqlangan. Unda “T.F.” MÇJ omborxonasi mudiri G.M. saqlovga olingan 133,4 million sömlik 46,6 tonna sulfat ammoniy mineral öğitlarini özlaştirgani malum qilindi.
Mazkur holatlar yuzasidan Jinoyat kodeksining 167-moddasi — özlaştiriş yoki rastrata yöli bilan talon-toroj qiliş moddasi bilan jinoyat işlari qözğatilgan.

Hozirda tergov harakatlari davom etmoqda.