Urgançda “Yoşlar köli” dam oliş maskani tubdan yangilanadi

Urganç şahrida joylaşgan maşhur dam oliş maskanlaridan biri — “Yoşlar köli” hududi yaqin vaqtlarda keng kölamli rekonstruktsiya qilinişi rejalaştirilmoqda. Loyiha doirasida umumiy qiymati 200 milliard söm bölgan yangi quriliş va obodonlaştiriş işlari amalga oşiriladi.

Malum qilinişiça, rekonstruktsiya jarayonida dam oliş maskani infratuzilmasi töliq yangilanib, zamonaviy talablar asosida qayta şakllantiriladi. Xususan, köl örtasida joylaşgan orol bilan boğlovçi yana bir yangi köprik barpo etilişi rejalaştirilgan. Bu esa dam oluvçilarga orolga yanada qulay va xavfsiz yetib boriş imkonini yaratadi.

Loyiha doirasida hududda musiqali favvora, zamonaviy restoran, keng avtoturargohlar, şuningdek piyodalar va velosipedçilar uçun alohida yölaklar qurilişi közda tutilgan. Şu bilan birga, dam oliş maskani hududiga yangi avlod yoritiş çiroqlari va qulay örindiqlar örnatilib, atrof-muhit yanada jozibador körinişga keltiriladi.

Rekonstruktsiya işlari tugallangaç, “Yoşlar köli” dam oliş maskani butunlay yangi qiyofa kasb etişi kutilmoqda. Şuningdek, bu yerda dam oluvçilar uçun 10 dan ortiq xizmat turlari yölga qöyilib, aholi va mehmonlar uçun yanada qulay şart-şaroitlar yaratiladi.

Mutaxassislar fikriça, uşbu loyiha amalga oşirilgandan söng “Yoşlar köli” nafaqat urgançliklar, balki viloyat mehmonlari uçun ham zamonaviy va jozibador dam oliş maskanlaridan biriga aylanişi mumkin.