Frenki de Yong jiddiy jarohat sabab uzoq muddatga safdan çiqdi
Niderlandiya terma jamoasi va “Barselona” yarim himoyaçisi Frenki de Yong öng tizzasining medial kollateral boğlamini uzib oldi. Bu haqda klub matbuot xizmati xabar berdi.
“Jahon çempionati vaqtida tizzamdan jarohat oldim. Dastlabki tekşiruvlardan söng şifokorlar bu yengil jarohat ekanini va öynaşda davom etsam, ahvolim yomonlaşmasligini aytdi. Tatil paytida qöşimça tekşiruvlardan ötiş uçun Barselonaga qaytdim. Tekşiruvlar jarohat dastlab öylanganidan jiddiyroq ekanini körsatdi. Yaxşiyamki, hozirgi bosqiçda jarrohlik amaliyoti talab etilmaydi. Endi bor etiborimni töliq tiklanişga va imkon qadar tezroq maydonga qaytişga qarataman”, deb yozdi de Yong Instagram’dagi sahifasida.
“Barselona” futbolçini tibbiy guruh nazorati ostida konservativ usulda davolanayotganini malum qildi. Klub kelgusi haftalar davomida uning tiklaniş jarayonini kuzatib boradi.
De Yong jarohatni 2026 yilgi jahon çempionatida Niderlandiya terma jamoasi safida iştirok etayotgan vaqtda olgan.
AS naşrining malumotiga köra, uning tiklanişi 5–6 oy davom etişi mumkin. Şu bois futbolçi 2027 yilning yanvar oyiga qadar maydonga qaytmasligi kutilmoqda.
Yarim himoyaçi turnirda Niderlandiya terma jamoasining 4 ta uçraşuvining barçasida maydonga tuşdi. Jamoa 1/16 finalga çiqib, Marokaşga qarşi bahsda mağlub böldi. Uçraşuvning asosiy vaqti 1:1 hisobida yakunlandi, penaltilar seriyasida esa Marokaş 3:2 hisobida ğalaba qozondi.
Malumot uçun, Frenki de Yong 2019 yildan buyon “Barselona” şarafini himoya qilib kelmoqda. U Kataloniya klubi bilan uç marta Ispaniya çempioni, ikki marta mamlakat kubogi va uç marta Ispaniya Superkubogi sohibi bölgan. Futbolçi Niderlandiya terma jamoasi safida 70 ta uçraşuvda maydonga tuşib, ikkita gol urgan.