Endi futbol öyinlariga çipta oliş uçun şaxsni tasdiqlaş talab etiladi

2026 yil 1 martdan boşlab futbol öyinlariga çipta oliş uçun şaxsni tasdiqlaş talab etiladi. Bu haqda Prezidentning joriy yilning 21 avgust kuni qabul qilingan “Özbekistonda futbol sohasini raqamlaştiriş va ommaviyligini yanada oşiriş çora-tadbirlari töğrisida”gi qarorida söz boradi. 
Unga köra, Raqamli texnologiyalar vazirligi va Özbekiston futbol assotsiatsiyasining quyidagi imkoniyatlarga ega “Milliy futbol elektron platformasi” axborot tizimini (keyingi örinda axborot tizimi) yaratiş töğrisidagi taklifi maqullangan:

• xalqaro futbol assotsiatsiyalari federatsiyasi talablariga muvofiq stadionlardagi audio va videotasvirlarni bir nuqtaga uzatiş orkali futbol uçraşuvlarida video yordamçi hakam (VAR) tizimini yanada kengaytiriş;
• futbol akademiya va maktablari, şu jumladan, futbol sektsiyalari mavjud sport maktablari öquv maşğulotlarini onlayn nazorat qiliş, futbolçilarning tibbiy va jismoniy körsatkiçlarini monitoring qiliş hamda şaffof selektsiya tizimini joriy qiliş;
• sohada amalga oşiriladigan loyihalarning kontseptsiyalari, texnik-iqtisodiy parametrlari va boşqa loyiha (loyihaoldi) hujjatlarini işlab çiqiş hamda belgilangan tartibda vakolatli organlarda ekspertizadan ötkaziş;
• futbol akademiya va maktablari, şu jumladan, futbol sektsiyalari mavjud sport maktablarida xodim, trener va futbolçilar davomatini yuritiş, videokonferentsaloqa tizimini taşkil etiş.

Şuningdek, futbol akademiya va maktablari, şu jumladan, futbol sektsiyalari mavjud sport maktablari bosqiçma-bosqiç axborot tizimiga ulanadi.
Bundan taşqari:

• tajriba-sinov tariqasida futbol akademiya va maktablarining öquv maşğulotlarini onlayn kuzatiş, futbolçilar selektsiyasi hamda tibbiy va jismoniy körsatkiçlarini monitoring qiliş axborot tizimi orqali amalga oşiriladi;
• 2026 yil 1 martga qadar futbol akademiya va maktablari Özbekiston futbolini qöllab-quvvatlaş jamğarmasi mablağlari hisobidan şaxsni biometrik identifikatsiya qiliş imkoniyatiga ega planşetlar bilan taminlanadi;
• 2026 yil 1 martdan boşlab futbol öyinlariga çiptalarni xarid kiliş şaxsni identifikatsiya qiliş hamda matritsali ştrix-kod (QR kod) texnologiyalarini qöllaşni nazarda tutuvçi maxsus onlayn axborot tizimi orqali amalga oşiriladi.

Milliy futbol markazida:

• iqtidorli futbolçilarni erta aniqlaş böyiça Raqamli futbol situatsion markazi taşkil etiladi hamda uning faoliyatiga tajribali murabbiylardan iborat tahlilçilar jalb etiladi;
• futbol uçraşuvlarini markazlaşgan tarzda video yordamçi hakam (VAR) tizimidan foydalangan holda kuzatiş uçun “VAR” markazi taşkil etiladi;
• axborot tizimidagi malumotlarni saqlaş uçun “DATA futbol” markazi taşkil etiladi;
• 2026 yil 1 aprelga qadar futbol akademiya va maktablari, şu jumladan, futbol sektsiyalari mavjud sport maktablarida öquv maşğulotlarini onlayn kuzatiş, futbolçilar selektsiyasi hamda ularning tibbiy va jismoniy körsatkiçlarini monitoring qiliş imkonini beruvçi maxsus dastur va mobil ilova işga tuşiriladi;
• 2026 yil 1 dekabrga qadar axborot tizimi “Raqamli soğliqni saqlaşning yagona platformasi” axborot tizimiga integratsiya qilinadi.