Xitoyda robotlar uçun maktab oçildi

Xitoyning Uxan şahrida gumanoid robotlar uçun kundalik hayotiy vazifalarni örganadigan maxsus robotlar maktabi oçildi. Bu haqda “Euronews” xabar berdi.

Tadqiqotçilar virtual texnologiyalar yordamida robotlarni real hayotda bajariladigan işlarga örgatmoqda. Bu jarayonda muhandislar maxsus VR-közoynaklar va kontrollerlardan foydalanib, robot harakatlarini masofadan boşqaradi.
Laboratoriyada bir guruh gumanoid robotlar sinfda öqiyotgan öquvçilar kabi tayyorgarlikdan ötmoqda. Ularga kofe tayyorlaş, uy işlarini bajariş, buyumlarni kötariş va saralaş kabi kundalik vazifalar örgatilmoqda.

Loyiha doirasida muhandislar robotlarning harakatlari haqida katta hajmdagi malumotlar töplamoqda. Instruktorlar virtual uskunalarini kiyib, robot harakatlarini real vaqt rejimida boşqaradi va ularga turli vazifalarni bajarişni körsatadi.

Robotlarni öqitiş bilan şuğullanuvçi mutaxassis Tsyuy Tsyunbinning aytişiça, instruktor VR-közoynak va kontrollerlardan foydalanganda uning çap va öng qöllari robotning qöllari sifatida işlaydi. Robot inson harakatlarini takrorlaydi va şu orqali harakatlarni örganadi. Keyin bu malumotlar bulutli serverlarga yuklanadi va tekşirilgandan söng robotning talim tizimiga kiritiladi.
Tsyuy Tsyunbinning takidlaşiça, bu jarayon juda qiziqarli bölib, robot biror vazifani bajara olganida u xuddi öz farzandini öqitib, uning ösib borayotganini körayotgandek his qiladi.