Şavkat Mirziyoyev maktab bitiruvçilarini tabrikladi

Prezident Şavkat Mirziyoyev 25 may kuni maktab bitiruvçilarini tabrikladi.

Tabrikda qayd etilişiça, 2026-yilda birinçi marta 11 ming nafardan ortiq öquvçilar maktabni oltin va kumuş medallar bilan tamomlamoqda. Davlat rahbari ular kelajakda ham öz tengdoşlariga namuna bölib, mamlakat taraqqiyotiga munosib hissa qöşişiga işonç bildirdi.

Bu yil 171 nafar yoşlar dunyoning yetakçi universitetlariga, yana minglab bitiruvçilar mamlakatdagi oliygohlarga qabul qilindi.  Şavkat Mirziyoyev ularni va ota-onalari, ustozlarini bunday yutuqlari bilan tabrikladi.

“Bugungi hayotimizda sizlar uçun örnak böladigan yutuqlarimiz, yoş-yoş qahramonlarimiz köp. Tört-beş yil oldin maktabni tugatgan Javohir Sindorov, Nodirbek Abdusattorov, Abduqodir Husanov kabi maşhur sportçilarimiz şaxmat va futbol olamida butun dunyoni qoyil qoldirmoqda.Yoş kino ijodkorlarimiz jahondagi obröli kino anjumanlaridan biri bölgan Kann festivalida Gran-pri mukofotini olişga sazovor böldi. Kuni keça futbol böyiça milliy terma jamoamizni jahon çempionatiga katta tantana bilan kuzatdik. Barçamizga çeksiz ğurur va iftixor bağişlaydigan bunday yutuqlar ilgari tariximizda heç qaçon bölmagan.

Köryapsizlarmi, çin dildan intilsa, harakat qilsa, Yangi Özbekiston yoşlari qanday buyuk marralarni zabt etişga qodir! Men işonaman, sizlarning orangizdan ham ana şunday millat qahramonlari, Yangi Özbekiston iftixorlari yetişib çiqadi!”, deyiladi tabrikda.

Davlat rahbari kamida bittadan xorijiy til va zamonaviy kasbni egallaşga harakat qilşga çaqirdi. Bu kelajakka oçilgan eşik, qöşimça imkoniyat va rağbat bölişini takidladi.

Prezident katta maqsadlar qöyişdan heç qaçon qörqmaslikka, işonç bilan hamişa olğa borişga çaqirdi. Barça öquvçilarga baxt va omad hamişa yor bölişini tiladi.