2021 yilda Sankt-Peterburgda sodir etilgan qotillikda ayblanayotgan şaxs Salvador Respublikasidan Rossiyaga ekstradisiya qilindi. Rossiya Içki işlar vazirligi xabariga köra, bu operatsiya mamlakatlar örtasida ekstradisiya böyiça birinçi holat bölgan.

Özbekiston Respublikasi fuqarosi 2021 yildan buyon xalqaro qidiruvda bölib, u Sankt-Peterburgda sodir etilgan qotillikda ayblanmoqda. Uning ismi-şarifi xabarda keltirilmagan. Tergov ma’lumotlariga köra, janjal paytida u jabrlanuvçining kökragiga ötkir buyumni sançgan, oqibatda jarohat halokatli bölgan. Söngra gumondor xorijga qoçib ketgan.

Interpol qoçoqni 2023 yil may oyida Markaziy Amerikadagi eng kiçik davlat Salvadorda topdi. Mamlakat hukumati Rossiya Boş prokuraturasining sörovini bajardi va 2025 yil 25 may kuni gumonlanuvçi Rossiya tomoniga topşirildi.
Rossiya Içki işlar vazirligi rasmiy vakili Irina Volk ekstradisiya ikki davlat huquq-tartibot idoralari örtasidagi xalqaro hamkorlik amaliyotida öziga xos bölganini ta’kidladi.