Mirziyoyev Qoraboğda ot tomoşasiga bordi 

Iqtisodiy hamkorlik taşkilotining 17-sammiti doirasida Özbekiston Prezidenti Şavkat Mirziyoyev Ozarbayjon Respublikasi Prezidenti Ilhom Aliyev hamrohligida Ağdam şahridagi “Imorat” tarixiy-memoriy majmuasiga taşrif buyurdi. Bu haqda Özbekiston rahbarining matbuot kotibi xabar berdi. 

Malum qilinişiça, majmuaga Iqtisodiy hamkorlik taşkilotiga azo mamlakatlar delegatsiyalari rahbarlari ham taşrif buyurgan.
Yetakçilar majmuada yaratilgan şaroitlar, bunyodkorlik işlari bilan tanişgan. Mehmonlar etiboriga Qoraboğning boy madaniyati va ananalarini aks ettiruvçi Qoraboğ tulporlari iştirokidagi “Zafar” nomli madaniy dastur taqdim etilgan.

Malumot uçun, Ağdam şahri Ozarbayjonning ğarbiy qismida, Qoraboğ tumanida joylaşgan. 2021 yildan boşlab şahar infratuzilmasi faol tiklanmoqda – yangi maktablar, bolalar boğçalari, uy-joylar, mamuriy binolar qurilmoqda.

“Imorat” majmuasida Qoraboğ xonligi asosçisi Panoh Alixonning saroyi va maqbarasi joylaşgan. 2024 yilda majmua restavratsiya işlari va arxeologik tadqiqotlardan söng qayta oçildi.

Bu yerda Qoraboğ tulporlari parki va interaktiv muzey taşkil etilgan.