Özbekiston maktablari qoğoz kundaliklarga qaytyaptimi?

Ijtimoiy tarmoqlarda Özbekistondagi maktablarda ananaviy (qoğoz) kundaliklar, sinf jurnallari joriy etilayotgani haqida xabarlar tarqaldi. Maktabgaça va maktab talimi vazirligi uşbu xabarlar yuzasidan munosabat bildirdi.

Qayd etilişiça, qoğoz kundaliklarga oid malumotlar huquqiy asosga ega emas. Özbekiston Prezidentining 2018 yil 5 sentyabrdagi “Maktabgaça va maktab talimi tizimiga boşqaruvning yangi tamoyillarini joriy etiş çora-tadbirlari töğrisida”gi qarori hamda 2019 yil 29 apreldagi “Özbekiston Respublikasi Xalq talimi tizimini 2030 yilgaça rivojlantiriş kontseptsiyasini tasdiqlaş töğrisida”gi farmoniga asosan ayni vaqtda mamlakatdagi mavjud barça umumtalim maktablari öquvçilarining davomati va fanlarni özlaştiriş baholari eMaktab elektron jurnal tizimi orqali amalga oşirilib kelinmoqda.
Bundan közlangan maqsad öqituvçilardagi iş yuklamasini kamaytiriş, öquv jarayonini taşkil etişda zamonaviy axborot-komunikatsiya texnologiyalarini joriy etişdan iborat. Uşbu jarayon xalqaro tajribada ham özini oqlagan.

Bildirilişiça, mazkur tizim joriy etilişi natijasida ota-onalarning öz farzandlarining darslarni özlaştiriş darajasini masofaviy kuzatiş imkoniyati yaratilib, öquvçilarni baholaşda şaffoflik taminlanib kelinmoqda. Şuningdek, pedagoglar faoliyatiga doir turli qoğozbozliklarning kamayişiga erişilgan.

“Maktabgaça va maktab talimi vazirligi tomonidan mamlakatimiz maktablariga ananaviy kundalik va sinf jurnallariga qaytiş böyiça topşiriq berilmaganini malum qilib, yurtimizda amalga oşirilayotgan raqamlaştiriş jarayonlari ortga qaytmas tus olganligini alohida takidlab ötamiz”, deyiladi xabarda.