Talabalar uçun “perevod” tartibi yangilandi
Xorijiy va nodavlat oliy talim taşkilotlarida tahsil olayotgan talabalarning davlat OTMlariga öqişini köçiriş tartibi yangilandi. Bu böyiça Hukumatning joriy yil 11 iyundagi 299-son qarori bilan “Xorijiy va nodavlat oliy talim taşkilotlaridan talabalar öqişini davlat oliy talim taşkilotlariga köçiriş böyiça davlat xizmatini körsatiş”ning mamuriy reglamenti tasdiqlandi.
Unga köra, mazkur yönalişdagi vakolatli davlat organi Bilim va malakalarni baholaş agentligi etib belgilangan.
Talabalar har yili 15 iyuldan 5 avgustga qadar Yagona interaktiv davlat xizmatlari portali (YaIDXP), agentlikning maxsus elektron platformasi yoki davlat xizmatlari markazlari orqali ariza topşirişi mumkin.
Arizadagi hujjatlar töliq taqdim etilmagani, notöğri yoki soxtalaştirilgan malumotlar aniqlangani, şuningdek, belgilangan tölov öz vaqtida amalga oşirilmagani arizani rad etişga asos böladi.
Taqdim etilgan hujjatlar 15 iyuldan 6 avgustga qadar körib çiqiladi va arizani qabul qiliş yoki rad etiş böyiça qaror qabul qilinadi. Bu haqda talabalarga YaIDXP yoki maxsus platforma orqali xabar yuboriladi.
Şuningdek, öqişni köçiriş böyiça QR-kodli imtihon natijalari imtihonlar yakunlanganidan keyin bir hafta içida ariza beruvçilarga taqdim etiladi.
Eslatib ötamiz, avvalroq Özbekistonda talimni xorijiy tilda yakunlagan talabalardan keyingi bosqiçda xorijiy til sertifikati talab qilinmasligi haqida xabar berilgandi.