Özbekiston Respublikasi Prezidenti Şavkat Mirziyoyev Toşkent xalqaro investitsiya forumida iştirok etiş uçun mamlakatga taşrif buyurgan Ozarbayjon Respublikasi Boş vaziri Ali Asadovni qabul qildi. Bu haqda Prezident matbuot xizmati xabar berdi.

Uçraşuvda Ozarbayjonning “PAŞA Holding”, “Neqsol Holding”, “AzerGold” kompaniyalari hamda Ozarbayjon Xalqaro banki rahbarlari ham iştirok etgan.

Suhbat avvalida Ali Asadov davlatimiz rahbariga Ozarbayjon Prezidenti Ilhom Aliyevning samimiy salomi va eng ezgu tilaklarini yetkazgan.

Özbekiston yetakçisi, öz navbatida, Ozarbayjon xalqini kuni keça bölib ötgan bayram – Milliy najot kuni munosabati bilan tabriklagan.

Özbekiston – Ozarbayjon döstlik, strategik şeriklik va ittifoqçilik munosabatlarini yanada kengaytiriş hamda mustahkamlaşning dolzarb masalalari körib çiqilgan.

Barça darajalardagi faol aloqalar mamnuniyat bilan qayd etilgan. Joriy yilning boşidan buyon tovar ayirboşlaş hajmi 40 foizga oşdi. Quriliş, energetika, toğ-kon sanoati, geologiya, logistika, turizm va boşqa tarmoqlarda kooperatsiya loyihalari muvaffaqiyatli amalga oşirilmoqda.

Ikki mamlakat hukumatlari bölajak oliy darajadagi sammitning iqtisodiy kun tartibini puxta tayyorlaşi muhimligi takidlangan. Bunda hukumatlararo komissiyaning navbatdagi yiğilişi va Hududlar forumi natijador ötişini taminlaş zarurligi qayd etilgan.

Eslatib ötamiz, avvalroq Şavkat Mirziyoyev V Toşkent xalqaro investitsiya forumi arafasida AQŞning yetakçi kompaniyalari delegatsiyasi bilan uçraşuv ötkazgandi.