Şavkat Mirziyoyev şaxmatçilarni tarixiy ğalaba bilan tabrikladi
Prezident Şavkat Mirziyoyev Özbekiston şaxmat terma jamoasi azolarini 46-Jahon şaxmat olimpiadasida erişgan tarixiy ğalabasi bilan tabrikladi. Bu haqda Prezident matbuot xizmati xabar berdi.
Davlat rahbari şaxmatçilarning ikki karra Olimpiada çempioni bölganini takidlab, ularning xalqaro musobaqadagi iştirokini yuqori baholagan.
“Dunyo şaxmat osmonida yorqin yulduz bölib porlagan siz, aziz farzandlarimni 46-Jahon şaxmat olimpiadasida erişgan tarixiy ğalabangiz bilan çin qalbimdan tabriklayman. Ikki karra olimpiada çempioni degan yuksak şarafli unvon, buyuk zafar barçamizga, köpmillatli xalqimizga muborak bölsin!”, deya tabrikladi davlat rahbari.
Qayd etilişiça, 46-Jahon şaxmat olimpiadasida 200 dan ziyod mamlakatdan 2 mingga yaqin eng kuçli va maşhur grossmeysterlar hamda nomdor jamoalar iştirok etgan.
“Mana şu ğoyat hayajonli onlarda 200 dan ziyod mamlakatdan 2 mingga yaqin eng kuçli va maşhur grossmeysterlar, nomdor jamoalar iştirok etgan murosasiz bellaşuvlarda körsatgan aql-zakovatingiz, yuksak irodangiz, mahorat va jasoratingiz uçun butun el-yurtimiz, dunyo şaxmat jamoatçiligi sizlarga tasannolar aytmoqda”, degan Şavkat Mirziyoyev.
Mamlakat yetakçisi şaxmatçilarni “Yangi Özbekiston qahramonlari” deb atab, ularning jahon şaxmatida yangi tarix yaratganini qayd etgan.
“Sizlar – Yangi Özbekiston qahramonlari, jahon şaxmat olamida yangi tarix yaratgan oltin avlodsiz. Butun xalqimiz sizlar bilan çeksiz faxrlanadi, ğururlanadi”, deya bildirgan davlat rahbari.
Şuningdek, şaxmatçilar Muhammad Xorazmiy, Ahmad Farğoniy, Beruniy, Ibn Sino, Amir Temur, Mirzo Uluğbek va Alişer Navoiy kabi buyuk ajdodlarga munosib voris ekanini amalda namoyon etgani takidlangan.
Prezident terma jamoaning musobaqadagi asosiy ğalabalariga ham alohida töxtalgan.
“Sizlar amaldagi Olimpiada çempioni – Hindiston jamoasini mağlub etdingiz. Qadimiy şaxmat maktabi va köplab grossmeysterlarga ega bölgan Xitoy jamoasi ustidan tarixiy ğalabani qölga kiritdingiz. Dunyo reytingida birinçi örinni egallab kelayotgan, olti karra Olimpiada çempioni bölgan AQŞ jamoasidan ham ustun keldingiz”, degan davlat rahbari.
Nodirbek Abdusattorovning natijasiga alohida etibor qaratilgan. U barça öyinlar davomida mağlubiyatga uçramasdan, birinçi taxtada oltin medalni qölga kiritgan.
“Nodirbek Abdusattorov barça öyinlar davomida mağlubiyat nima ekanini bilmasdan, çinakam jamoa lideri ekanini isbotlab, birinçi taxtada oltin medal sohibi böldi”, deya uning natijasini alohida etirof etgan Prezident.
Nodirbek Yoqubboyevning ham jamoa ğalabasiga qöşgan hissasi alohida qayd etilgan.
“Nodirbek Yoqubboyev esa Turkiya, Hindiston, Xitoy va AQŞ vakillariga qarşi murosasiz bahslarda çinakam iroda va matonat körsatib, jamoamiz uçun hal qiluvçi ğalabalarni taminlaganini alohida takidlab aytmoqçiman”, degan Şavkat Mirziyoyev.
Prezident Yoqubboyevning hindistonlik Nihal Sarin bilan bahsini ham alohida tilga olgan.
“Ayniqsa, Yoqubboyevning hindistonlik Nihal Saringa qarşi bellaşuvi haqiqiy dramatik jang böldi. Yangi Özbekiston vakilining eng qiyin vaziyatda nihoyatda topqirlik bilan qöllagan taktik yurişlarini körib, dunyo şaxmat muxlislari hayratdan qotib qoldi”, deya baholagan davlat rahbari.
Javohir Sindorovning ham terma jamoa ğalabasidagi hissasi etirof etilgan.
“Yana bir mard öğlonimiz, Javohir Sindorov çempionlarga xos öyin körsatib, umumiy ğalabaga katta hissa qöşdi”, degan mamlakat yetakçisi.
Musobaqada ilk bor iştirok etgan Muhiddin Madaminovning natijasi ham yuqori baholangan.
“Bunday yirik xalqaro musobaqada birinçi marta iştirok etgan Muhiddin Madaminov öğlimizning kuçli raqiblariga kutilmagan zarbalar bergani va birorta ham mağlubiyatga uçramagani yuksak bahoga munosibdir”, degan davlat rahbari.
Şamsiddin Vohidovning Hindiston, Turkiya va Vengriya vakillariga qarşi bahslarda muhim oçkolarni qölga kiritgani ham eslab ötilgan.
“Şamsiddin Vohidov Hindiston, Turkiya va Vengriya vakillariga qarşi murosasiz öyinlarda özini yöqotmasdan, muhim oçkolarni olişga erişgani ham muxlislar xotirasida saqlanib qoladi”, degan Şavkat Mirziyoyev.
Davlat rahbari terma jamoaning umumiy natijasini alohida baholab, Özbekistonda şakllangan şaxmat maktabiga etibor qaratgan.
“Bir söz bilan aytganda, terma jamoamiz azolarining har biri öziga işonib, faqat oldinga qarab borganini körib, Yangi Özbekistonda qanday buyuk şaxmat maktabi, şaxmatçilar avlodi şakllanganiga butun dunyo tan berdi”, deya takidlagan Özbekiston yetakçisi.
Musobaqada ikkinçi tarkib bilan qatnaşgan jamoaning natijasi ham Prezident tomonidan qayd etilgan.
“Musobaqalarda ikkinçi tarkib bilan iştirok etgan jamoamiz qayd etgan natija ham bizni quvontiradi”, deya bildirgan Şavkat Mirziyoyev.
Jahongir Vohidovning jamoani sovrinli örinlar sari boşlagani, Ispaniya, Angliya va Niderlandiya vakillari ustidan ğalabalar qozonilgani alohida etirof etilgan.
“Jahongir Vohidov öğlim kuçli iroda körsatib, uşbu jamoamizni sovrinli örinlar sari boşladi. Ispaniya, Angliya va Niderlandiya kabi davlatlar vakillari ustidan qozonilgan işonçli ğalabalar unutilmas tarixga aylandi”, deya takidlagan Prezident.
Ayollar terma jamoasining natijasi ham murojaatda qayd etilgan.
“Ayollar jamoamiz ham keskin kuraşlarda haqiqiy matonat namunasini körsatdi. Ular AQŞ jamoasi bilan tengma-teng bahs olib borganlari, 11 ta turda 7 ta yutuqqa erişib, ön uçinçi örinni qölga kiritgani ham muhim natijadir”, degan davlat rahbari.
Samarqand olimpiadasida paraşaxmatçilar ilk bor bronza medalini qölga kiritgani ham takidlangan. Selbi şaxsiy hisobda kumuş, Abdulaziz bronza medaliga sazovor bölgan, Ahadxon esa musobaqada mağlubiyatga uçramagan.
“Selbi qizim şaxsiy hisobda kumuş, Abdulaziz öğlim bronza medaliga sazovor bölgani, Ahadxon öğlim umuman mağlub bölmagani meni juda xursand qildi”, deya paraşaxmatçilarning natijasidan mamnunligini bildirgan Prezident.
Şavkat Mirziyoyev barça şaxmatçilar timsolida bilim va iroda sohibi bölgan yoşlarni körişini takidlagan.
“El-yurtimiz barça şaxmatçilarimiz timsolida kuçli bilim va iroda sohiblarini, katta-katta marralarni zabt etişga qodir bölgan Yangi Özbekiston yoşlarini köradi”, degan u.
Prezident mamlakatda şaxmat rivojiga berilayotgan etibor, yaratilgan tizim va şaroitlar sportçilarning natijalarida muhim omil bölganini qayd etgan.
“Mamlakatimizda şaxmat rivojiga berilayotgan doimiy etibor, yölga qöyilgan samarali tizim va qulay şaroitlar sizlar erişgan natijalarni taminlaşda muhim omil böldi. Yaqinda bu borada yana bir Prezident qarorini qabul qildik. Uşbu hujjat yaqin kelajakda yanada ulkan natijalar uçun, albatta, mustahkam zamin yaratadi”, deya takidlagan davlat rahbari.
Şuningdek, Özbekiston şaxmat federatsiyasi FIDE tomonidan 2026 yilda “Eng yaxşi federatsiya” nominatsiyasida ğolib deb topilgani qayd etilgan. Rustam Qosimjonov FIDE'ning faxriy vitse-prezidenti, Hulkar Tohirjonova esa FIDE'ning Markaziy Osiyo davlatlari böyiça mintaqaviy prezidenti etib saylangani ham mamlakat şaxmatining xalqaro maydondagi mavqei bilan boğlangan.
Prezident Samarqandda ikki hafta davomida ötkazilgan musobaqalarning kölami haqida ham fikr bildirgan.
“Ikki hafta davomida azim Samarqand şahri bamisoli jahon şaxmatining poytaxtiga aylandi. Bu yerda bölib ötgan nufuzli musobaqalar, qatnaşçi davlatlar va şaxmatçilar soniga köra, rekord natijalar bilan tarixga kirganini alohida takidlaş lozim”, degan Şavkat Mirziyoyev.
U umumiy ğalabaning Samarqandda qölga kiritilgani şaharning tarixiy ahamiyatini yanada oşirganini qayd etgan.
“Barçamizning umumiy ğalabamiz uç ming yillik boy tarix va madaniyat ovozi kelib turgan, XIV-XV asrlarda Ikkinçi Renessans markazlaridan biri bölgan bu buyuk şaharda qölga kiritilgani uning qadr-qimmatini yanada oşirmoqda”, degan Prezident.
Özbekiston rahbari joriy yil noyabr oyida Javohir Sindorov iştirokidagi jahon toji uçun bellaşuvni ham tilga olgan.
“Şu yil noyabr oyida bizni yana bir katta şaxmat bayrami kutib turibdi. Jahon toji uçun böladigan tarixiy bellaşuvda şaxmatimiz faxri Javohir Sindorovdan barçamiz ulkan zafarlarni kutib qolamiz. Sen bunga albatta qodirsan, Javohir, bolam!” deya unga işonç bildirgan Şavkat Mirziyoyev.
Murojaat yakunida Prezident 46-Jahon şaxmat olimpiadasida Özbekiston şarafini munosib himoya qilgan şaxmatçilar, ularning ota-onalari, ustoz va murabbiylariga minnatdorlik bildirgan.
“Fursatdan foydalanib, 46-Jahon şaxmat olimpiadasida vatanimiz şon-şuhratini yuksaltirişga munosib hissa qöşgan öğil-qizlarimizga, ularning ota-onalari, ustoz va murabbiylariga, terma jamoamizning barça azolariga çin dildan samimiy minnatdorlik bildiraman”, degan davlat rahbari.
Şuningdek, musobaqalarni yuqori darajada taşkil etgan Samarqand viloyati aholisi, mahalliy hokimlik vakillari va barça taşkilotçilarga minnatdorlik bildirilgan.
“Sizlarga sihat-salomatlik, oilaviy baxt, kelgusi faoliyatingizda ulkan muvaffaqiyatlar tilayman. Bizga mana şunday buyuk şukuh, uluğ zafarlarni taqdim etgan şaxmatçi farzandlarimiz doimo soğ-omon bölsin! Sizlarga hamişa porloq ğalabalar yor bölsin, aziz bolalarim!”, deya şaxmatçilarga tilak bildirgan Prezident.