UFC. Xamzat Çimayev faoliyatidagi ilk bor mağlub böldi, Striklend — yangi çempion

UFCda yilning eng katta sensatsiyalaridan biri yuz berdi. UFC 328 turnirining markaziy jangi örta vazn toifasi çempioni Xamzat Çimayev hamda amerikalik Şon Striklend örtasida ötkazildi. Beş raund davom etgan jang yakunda hakamlarning bölingan qarori evaziga Striklendning ğalabasi bilan tugadi.

Şu tariqa Çimayev MMAdagi faoliyati davomida ilk bor mağlub böldi va kamaridan mahrum böldi. Striklend esa ikkinçi bor UFC örta vazn toifasi çempioni böldi. Endilikda uning hisobida MMA’da 15 ta ğalaba va bitta mağlubiyat mavjud. 35yoşli Striklendning rekordi esa 31 ta ğalaba va 7 ta mağlubiyatdan iborat.

Hamzat Çimayev 2025 yil 17 avgust kuni Çikago şahrida ötkazilgan UFC 319 turnirida janubiy afrikalik Drikus dyu Plessi ustidan ğalaba qozonib, çempionlik kamarini qölga kiritgan edi. 
1994 yilda tuğilgan Çimayev 2020 yilda UFC’da debyut qilgan hamda 66 kun içida 3 ta jang ötkazib, öziga xos rekord qayd etgan. 2021 yil mart oyida sportçi koronavirus asoratlari sababli faoliyatini yakunlaşini elon qilgan edi. Öşanda sportçiga saraton taşxisi qöyilgani haqida xabarlar tarqalgan, biroq qayta tekşiruvlardan söng xavfli kasallik aniqlanmagan va Hamzat oktagonga qaytgan.
U hozirga qadar Jerald Myorşart, Li Jinglian, Gilbert Byorns, Kevin Xolland, Kamaru Usman, Robert Uittaker va Drikus dyu Plessi kabi nomdor jangçilarni mağlub etgan.