Isroil Ğazo sektoridagi harbiy bazalarini kengaytirmoqda

Isroil Ğazo sektorida harbiy iştirokini kuçaytirişda davom etmoqda. Sputnik tasvirlari anklav hududida yangi harbiy obektlar qurilayotganini körsatmoqda. Bu haqda “Al Jazeera” xabar berdi.

Telekanal tomonidan örganilgan 2026 yil may oyigaça bölgan sputnik suratlariga köra, Ğazo sektorida Isroilga tegişli 40 ta harbiy obekt aniqlangan. Ularning sakkiztasi 2025 yil oktyabr oyida kuçga kirgan öt oçişni töxtatiş rejimi joriy etilganidan keyin qurilgan. Yana bir obektda quriliş işlari hozir ham davom etmoqda.

Tahlilçilarning takidlaşiça, mazkur inşootlar vaqtinçalik kuzatuv nuqtalari emas, balki uzoq muddatli foydalanişga möljallangan töliq harbiy infratuzilma hisoblanadi. Yangi bazalar harbiy texnika joylaştiriş maydonlari, muhandislik inşootlari va şaxsiy tarkibni joylaştiriş obektlari bilan jihozlanmoqda.

Harbiy postlar anklavning turli hududlariga joylaştirilgan. Ikkita obekt sektor şimolida, yana ikkitasi markaziy qismida joylaşgan. Bitta post Netsarim koridorining şarqiy qismida bölsa, uçta baza janubdagi Xon-Yunis şahri atrofida qurilgan.
Tergov materiallarida Xon-Yunisdagi Şarqiy qabriston örnida barpo etilgan obektga alohida etibor qaratilgan. Sputnik kuzatuvlari malumotlariga köra, bu hududda muhandislik işlari 2025 yil noyabr oyida boşlangan. 2026 yil may oyiga kelib esa mazkur maydon harbiy texnika va askarlarni joylaştiriş infratuzilmasiga ega töliq harbiy bazaga aylantirilgan.

Şunga öxşaş jarayonlar anklavning şimoliy qismida ham kuzatilgan. Bayt-Lahiya hududida 2025 yil oktyabrida harbiy inşootlardan xoli bölgan maydon bir neça hafta içida keng kölamli muhandislik işlari va yangi obektlar qurilişi maydoniga aylangan.

Harbiy infratuzilmaning kengayişi Isroil Boş vaziri Binyamin Netanyahuning Ğazo sektori ustidan nazoratni yanada kuçaytiriş haqidagi bayonotlari fonida kuzatilmoqda. Uning sözlariga köra, Isroil kuçlari hozirda anklav hududining qariyb 60 foizini nazorat qilmoqda. Isroil bölinmalari asosan sektorning katta qismini qamrab olgan bufer hudud – «sariq çiziq» böylab joylaştirilgan.
Sputnik kuzatuvlarining yangi malumotlari Isroilning Ğazodagi harbiy iştiroki tobora mustahkam tus olayotganini körsatmoqda. Bu esa mojaroni tinç yöl bilan hal etiş istiqbollari va hududning kelajakdagi maqomiga tasir körsatişi mumkin.