“Hizbulloh” sulh taklifini rad etdi

“Hizbulloh” joriy yilning 3 iyun kuni AQŞ vositaçiligida Isroil va Livan örtasida kelişilgan yangi öt oçişni töxtatiş bitimini qabul qilişdan boş tortdi. Bu haqda “Associated Press” xabar berdi.

Guruh yetakçisi Naim Qosim janubiy Livandan jangçilarni raqib tomonga yon berib olib çiqiş talabi “taslim böliş va mağlubiyat” bilan teng ekanini aytgan. U muzokaralarni “bemani, kamsituvçi va haqoratli” deb atab, “Hizbulloh” harbiy harakatlarni töxtatiş böyiça heç qanday majburiyat olmaganini takidlagan.

“Qişloqlarimiz xavfsiz bölmagunça, Isroilning şimoli ham xavfsiz bölmaydi”, degan Qosim.

Livan Prezidenti Jozef Avn esa “Hizbulloh” rad etgan kelişuvni uruşni töliq töxtatiş uçun “sönggi imkoniyat” deb atagan. U Livan barça tomonlardan javob olingandan keyin kelişuvni amalga oşirişga tayyorligini bildirgan.

Kelişuvga köra, Livan armiyasi “xavfsizlik hududlari” ustidan nazorat örnatişi, “Hizbulloh” jangçilari esa bu hududlarni töliq tark etişi kerak edi. Hujjatda “Hizbulloh” Isroil, AQŞ va Livanning duşmani sifatida baholanib, guruhni tarqatib yuboriş nazarda tutilgan. Biroq Livan hukumati buni kuç işlatib amalga oşiriş imkoniyatiga ega emasligi qayd etilgan.

Eron ham Livandagi mojaroni hal etişni AQŞ bilan böladigan har qanday kengroq kelişuvning şarti sifatida ilgari surgan. Ismoil Qoniy, Eron Islom inqilobi muhofizlari korpusining “Quds” kuçlari qömondoni, nafaqat öt oçişni töxtatiş, balki Isroil qöşinlarini uruş boşlanişidan oldingi pozitsiyalariga qaytarişni ham talab qilgan.

AQŞ Prezidenti Donald Tramp esa diplomatik muvaffaqiyatsizliklarning ahamiyatini kamaytirib, jurnalistlarga Yaqin Şarqda “öt oçişni töxtatiş – bu şunçaki sekinroq öq uziş” ekanini aytgan.
Şu bilan birga, Isroil Mudofaa vaziri Isroil Kats Isroil armiyasi Livan hududiga zarbalar berişda davom etişini va hozirça mamlakat janubidan qöşinlarni olib çiqiş rejalaştirilmaganini malum qilgan.