“Xitoy – Qirğiziston – Özbekiston” temir yöli qurilişi loyihasi faol bosqiçga ötdi. Bu haqda Qirğiziston Transport va kommunikatsiyalar vazirligi xabar berdi.

Qayd etilişiça, bugun, 10 iyul kuni Qirğiziston Transport va kommunikatsiyalar vazirligida Xitoy Davlat temir yöl korporatsiyasi vakillari bilan uçraşuv bölib ötgan. Tomonlar loyihaning borişi va temir yöl qurilişining keyingi bosqiçlarini muhokama qilgan. Uçraşuvda Qirğiziston Transport va kommunikatsiyalar vaziri örinbosari Almaz Turğunboyev va Xitoy Davlat temir yöl korporatsiyasi boşqaruv azosi Van Tszinsi iştirok etgan.

Vazirlikning malum qilişiça, loyiha böyiça asosiy xalqaro va investitsiyaviy bitimlar allaqaçon imzolab bölingan. Şuningdek, boş pudratçi aniqlanib, moliyalaştiriş masalalari hal etilgan. Ayni paytda tonnellar, köpriklar va boşqa infratuzilma obektlari qurilişi olib borilmoqda.

Qirğiziston tomoni qurilişga mahalliy mutaxassislarni jalb qiliş, mahalliy işlab çiqaruvçilarning materiallaridan foydalaniş va ekologik talablarga rioya etiş zarurligini bildirgan. Uçraşuvda ikki davlat vakillari loyihani amalga oşirişda şaffoflik muhimligini takidlagan va qurilişni belgilangan muddatda yakunlaş uçun birgalikdagi işlarni davom ettirişga kelişib olgan.

Vazirlik yangi temir yöl Qirğizistonning transport imkoniyatlarini kengaytirişi, iqtisodiy aloqalarni mustahkamlaşi va mamlakatning tranzit salohiyatini oşirişini eslatib ötgan.

Malumot uçun, Xitoy – Qirğiziston – Özbekiston temir yöli mintaqadagi eng yirik infratuzilma loyihalaridan biri hisoblanadi. Yölning umumiy uzunligi qariyb 480 kilometrni taşkil etadi, şundan 304 kilometrdan ortiği Qirğiziston hududidan ötadi. 

Eslatib ötamiz, avvalroq Qirğiziston rahbari Sadir Japarov Xitoy – Qirğiziston – Özbekiston temir yöli 2030 yilda işga tuşişi kutilayotganini aytgan edi. Şuningdek, Bişkek “Xitoy – Qirğiziston – Özbekiston” temir yöli loyihasida Qirğizistonning uluşini moliyalaştiriş uçun Xitoydan 304,5 million dollar imtiyozli kredit olişi haqida xabar berilgan edi.