Keça, 13 avgust kuni Misrning Yangi Qohira şahridagi savdo markazida geliy balloni portlaşi oqibatida 3 kişi halok böldi, 17 kişi jarohatlandi. Bu haqda “The National News“ xabar berdi.

Misr Soğliqni saqlaş vazirligining malum qilişiça, hodisa Arabella Plaza savdo markazida yuz bergan.

Misr Içki işlar vazirligiga köra, portlaş savdo markazining birinçi qavatida joylaşgan sovğalar dökonidagi geliy ballonida sodir bölgan. Portlaş oqibatida dökon içida kiçik yonğin kelib çiqqan, biroq u tez orada nazorat ostiga olingan. Şuningdek, portlaş va yonğin oqibatida yaqin atrofdagi ayrim dökonlarning fasad qismi zarar körgan.

Hodisa haqida xabar kelib tuşgaç, voqea joyiga 8 ta tez yordam maşinasi yuborilgan. Jarohatlanganlarning 11 nafari New Cairo Specialized Hospital şifoxonasiga, yana olti nafari esa yaqin atrofdagi tibbiyot muassasalariga olib ketilgan.

Soğliqni saqlaş vazirligi ularning barçasiga şoşilinç tibbiy yordam körsatilayotganini va ahvoli doimiy nazorat qilinayotganini bildirgan. Şuningdek, yaqin hududdagi şifoxonalarda yuqori tayyorgarlik rejimi joriy etilgan.

Eslatib ötamiz, Italiyaning Rim şahri janubi-şarqidagi Kolleferro yaqinida joylaşgan öq-dorilar zavodida keça, 13 avgust kuni kuçli portlaş sodir bölgan edi.