USD: 11,966 so'm ▼ EUR: 13,437 so'm ▼ RUB: 146 so'm ▲ GBP: 16,029 so'm ▲ CNY: 1,792 so'm ▼ KZT: 27 so'm ▲ TRY: 241 so'm ▼ AED: 3,258 so'm ▼ USD: 11,966 so'm ▼ EUR: 13,437 so'm ▼ RUB: 146 so'm ▲ GBP: 16,029 so'm ▲ CNY: 1,792 so'm ▼ KZT: 27 so'm ▲ TRY: 241 so'm ▼ AED: 3,258 so'm ▼

Saytdan izlash

Ko'rinishni tanlash:

Saqlangan xabarlar

Sizda hozircha saqlangan xabarlar yo'q!

Yangiliklarni o'qish

Maxfiylik siyosati

Saytimizdan foydalanishda sizga eng yaxshi tajribani taqdim etish uchun biz cookie-fayllardan foydalanamiz. Saytimizdan foydalanishda davom etish orqali siz Maxfiylik siyosati va Foydalanish shartlari ga rozilik bildirgan bo‘lasiz.

Telegram, Pinduoduo ва яна 9 та сервис блокланиши мумкин

20-08-2026, 11:15
133 марта
Telegram, Pinduoduo ва яна 9 та сервис блокланиши мумкин

Қирғизистон Солиқ хизмати хорижий компанияларни мамлакатда солиқ рўйхатидан ўтишга чақирди. Акс ҳолда, Pinduoduo, Telegram ва бошқа йирик сервисларга Қирғизистон ҳудудида кириш чекланиши мумкин. Бу ҳақда “Economist24” хабар берди.

Маълум қилинишича, ҳозирга қадар Қирғизистонда 73 та хорижий компания солиқ рўйхатидан ўтган. Бироқ Солиқ хизмати ва тижорат банклари ҳамкорликда ўтказган таҳлил натижасида мамлакатда катта миқдорда молиявий айланмага эга бўлган, аммо ҳалигача солиқ ҳисобида турмаган 11 та йирик компания аниқланган.

Улар орасида Pinduoduo, Alibaba, Microsoft, Telegram, VK, Valve, Sony Interactive Entertainment, Epic Games, Electronic Arts, Twitch ва Dropbox бор.

Қайд этилишича, 2024–2025 йилларда Қирғизистон фуқаролари ушбу компанияларга жами 15,9 млнга яқин транзакция амалга оширган. Уларнинг умумий қиймати 13,2 млрд сомдан ошган.

Энг катта пул айланмаси Pinduoduo ҳисобига тўғри келган – 8,89 млрд сом. Кейинги ўринларда Alibaba – 2,83 млрд сом ва Microsoft – 1,01 млрд сом билан қайд этилган.

Қирғизистон Солиқ хизмати ушбу компанияларга бир неча бор расмий хатлар юборгани, шунингдек, Ташқи ишлар вазирлиги орқали дипломатик каналлардан фойдаланилганини маълум қилди. Бироқ ҳозирга қадар компаниялардан жавоб олинмаган.

Қирғизистон Солиқ хизматининг огоҳлантиришича, агар хорижий компаниялар Қирғизистон қонунчилиги талабларини бажармасликни давом эттирса, уларнинг электрон сервисларига мамлакат ҳудудида киришни чеклаш масаласи кўриб чиқилади.

Эслатиб ўтамиз, аввалроқ Meta Австралияда 16 ёшга тўлмаган фойдаланувчиларга ижтимоий тармоқлардан фойдаланишни чекловчи қонун кучга кирганидан сўнг 756 мингдан ортиқ шубҳали аккаунтни ўчиргани ҳақида хабар берилган эди.

Изоҳ қолдириш

Мавзуга алоқадор: