USD: 11,773 so'm ▼ EUR: 13,225 so'm ▼ RUB: 141 so'm ▼ GBP: 15,549 so'm ▼ CNY: 1,756 so'm ▼ KZT: 26 so'm ▼ TRY: 240 so'm ▼ AED: 3,205 so'm ▼ USD: 11,773 so'm ▼ EUR: 13,225 so'm ▼ RUB: 141 so'm ▼ GBP: 15,549 so'm ▼ CNY: 1,756 so'm ▼ KZT: 26 so'm ▼ TRY: 240 so'm ▼ AED: 3,205 so'm ▼

Saytdan izlash

Ko'rinishni tanlash:

Saqlangan xabarlar

Sizda hozircha saqlangan xabarlar yo'q!

Yangiliklarni o'qish

Maxfiylik siyosati

Saytimizdan foydalanishda sizga eng yaxshi tajribani taqdim etish uchun biz cookie-fayllardan foydalanamiz. Saytimizdan foydalanishda davom etish orqali siz Maxfiylik siyosati va Foydalanish shartlari ga rozilik bildirgan bo‘lasiz.

Трамп Канаданинг кўлини ҳам “ўзлаштирди”. Энди навбат океанга

28-08-2026, 10:30
61 марта
Трамп Канаданинг кўлини ҳам “ўзлаштирди”. Энди навбат океанга

АҚШ Президенти Дональд Трамп Канада билан давом этаётган савдо уруши фонида Онтарио кўлининг номини “Америка кўли” (Lake America) деб ўзгартириш тўғрисида фармон имзолади. Бу ҳақда “Reuters” хабар берди.

Қайд этилишича, Трампнинг қарори кўлнинг АҚШ федерал идораларидаги номланишига тааллуқли. Шунингдек, Канада ёки халқаро ташкилотлар ушбу номдан фойдаланишга мажбур эмас.

Трамп кеча, 27 август куни Оқ уйнинг Овал кабинетида журналистларга Онтарио кўли номи дарҳол “Америка кўли”га ўзгартирилишини айтган.

“Бу номни ўзгартириш ҳақида аслида анчадан бери ўйлаб келганман”, деган Трамп.

Маълумот учун, кўл сув юзасининг қарийб 52 фоизи Канада, қолган қисми эса АҚШнинг Нью-Йорк штати ҳудудига тўғри келади. Онтарио кўлининг ҳозирги номи 400 йилдан ортиқ тарихга эга.

Канада Бош вазири Марк Карни эса кўл номининг ўзгартирилишини тан олмаслигини билдирган.

“Канадаликлар ҳақиқатни номлаш нимани англатишини билади: бу Онтарио кўли деб аталади – ҳозир ҳам, бундан кейин ҳам”, деган Карни.

АҚШнинг Нью-Йорк штати губернатори Кети Хокул ҳам Трампнинг қарорини қўллаб-қувватламаган.

“Нью-Йорк уни бундай деб атамайди”, деб ёзган губернатор.

Вермонт штати губернатори Фил Скотт эса қарорни “арзимас ва ҳафсалани пир қиладиган” деб атаган.

Квебекдаги Вендaт миллати бошлиғи Пьер Пикар ҳам Трампнинг қарорини қоралаган. Унинг айтишича, “Онтарио” номи вендaтлар тилидан келиб чиққан бўлиб, “гўзал кўл, буюк кўл” деган маънони англатади.

“Президент Трамп бизнинг тарихимизни ўчиришга уринмоқда”, деган Пикар.

Трамп эса Канада билан муносабатлар фонида Атлантика ва Тинч океанларининг номини ҳам ўзгартириш мумкинлигини айтган.

“Бизда қўлтиқ ва кўл бор. Энди бизга фақат океан керак”, деган АҚШ Президенти.

Эслатиб ўтамиз, аввалроқ АҚШ Президенти Дональд Трамп Ҳормуз бўғозини АҚШ ҳудуди деб эълон қилганди.

Изоҳ қолдириш

Мавзуга алоқадор: