Yölovçi bomba haqidagi hazili uçun reysdan qoldirildi
Keça, 3 sentyabr kuni Qozoğistonning Olmaota şahrida yölovçi sumkasida bomba bölişi mumkinligi haqida hazil qilgani uçun Olmaota – Aqtau reysidan olib qolindi. Bu haqda “TengriNews” xabar berdi.
Malum qilinişiça, yölovçi aviakompaniya dalolatnomasi asosida transport politsiyasi xodimlari tomonidan reysdan olingan. Bunga uning qozoq tilida aytgan “Bu sumkada qörğoşinmi yoki bomba bormi?” degan gapi sabab bölgan.
Şundan söng, transport politsiyasi va aviatsiya xavfsizligi xodimlari yölovçi hamda uning bagajini tekşirgan. Tekşiruv natijasida portlovçi moddalar yoki boşqa taqiqlangan buyumlar aniqlanmagan. Hodisa sabab aeroportda evakuatsiya ötkazilmagan va havo bandargohi odatdagidek işlagan.
Politsiya malumotiga köra, yölovçi mayda bezorilik uçun mamuriy javobgarlikka tortilgan. Holat böyiça tuzilgan material sudga yuboriladi. Transport politsiyasi yölovçilarni samolyot bortida xavfsizlikka tahdid sifatida qabul qilinişi mumkin bölgan gaplarni, hatto hazil tariqasida ham aytmaslikka çaqirgan.
Qayd etilişiça, Qozoğiston Jinoyat kodeksining 273-moddasiga köra, terrorçilik akti yoki boşqa xavfsizlik tahdidi haqida bila turib yolğon xabar beriş uçun 5000 oylik hisob-kitob körsatkiçigaça jarima, majburiy jamoat işlari yoki beş yilgaça ozodlikdan mahrum qiliş jazosi belgilangan.
Eslatib ötamiz, avvalroq Qozoğistonning Olmaota xalqaro aeroportida Özbekiston fuqarosi “sumkamda bomba bor” deb hazillaşgani uçun jarimaga tortilgani haqida xabar berilgan edi.