Eron samolyoti sanktsiya sabab Duşanbega köna olmadi
Bugun, 24 sentyabr kuni Eronning Vareş Airlines aviakompaniyasiga tegişli Tehron–Duşanbe reysi parvozga çiqqanidan söng yönalişini özgartirib, Tehrondagi Imom Xomayniy aeroportiga qaytişga majbur böldi. Bu haqda “Rooziato” naşri xabar berdi.
Qayd etilişiça, samolyotning qaytişiga Tojikistonga qöşni ayrim davlatlar havo hududidan foydalaniş uçun berilgan ruxsatlarning kutilmaganda bekor qilingani sabab bölgan.
Eronlik media faoli Ali Qalhakiy Telegram-kanalida Vareş Airlines samolyoti Duşanbega parvoz vaqtida havo hududidan ötiş ruxsati bekor qilingani sababli Imom Xomayniy aeroportiga qaytganini malum qilgan.
Sönggi kunlarda Eron aviakompaniyalarining ayrim xorijiy yönalişlardagi parvozlariga turli çeklovlar joriy etilgani qayd etilmoqda. Jumladan, Eronning Iroq, Ummon va Ozarbayjonga amalga oşiradigan ayrim reyslari ham bunday çeklovlardan aziyat çekkan.
Hozirça samolyotning aynan qaysi davlat havo hududidan ötişiga ruxsat berilmagani va çeklovning sabablari haqida rasmiy malumot berilmagan.
Eslatib ötamiz, avvalroq AQŞ tomonidan Eron aviatsiya sohasiga qarşi joriy etilgan sanktsiyalar Turkiyani Eronga öz reyslarini bekor qilişga va uning aviakompaniyalaridan birining parvozlarini taqiqlaşga majbur qilgandi.