Isroil Tehrondagi uran tsentrifuga zavodiga zarba berdi

Isroil TsAXAL kuçlari bugun, 18 iyunga ötar keçasi Tehrondagi uranni boyitiş tsentrifugalarini işlab çiqariş korxonalari va Erondagi raketa zavodlariga zarba berdi. Operatsiyada Isroil harbiy-havo kuçlarining 50 ga yaqin samolyoti iştirok etdi. Bu haqda TsAXAL matbuot xizmati xabar berdi.
Isroil harbiylariga köra, nişonlar orasida qurol-yaroğ zavodlari, jumladan, Eron Isroilga qarata otgan “er-yer” toifasidagi raketalar uçun xomaşyo va butlovçi qismlar işlab çiqaradigan zavodlar, şuningdek, samolyotlarni yöq qilişga möljallangan “er-havo” raketalari uçun tizimlar va butlovçi qismlar işlab çiqaruvçi obektlar bölgan.

Isroil avvalroq havo zarbalari bilan Natanzdagi yerosti zavodida uranni boyitiş tsentrifugalarini yöq qilgan edi. Isfahondagi yadroviy inşootda ham Isroil zarbalari oqibatida körilgan zarar qayd etilgan. Şu bilan birga, Fordoni boyitiş zavodi maydonida va qurilayotgan Xondab oğir suv reaktorida heç qanday zarar qayd etilmagan. Buşehr atom elektr stantsiyasi sönggi hujumlarning nişoni bölmagan va ular Tehrondagi tadqiqot reaktori kabi zarar körmagan.

Eron axborot agentliklarining xabar berişiça, Isroil harbiylari Tehron şarqidagi Imom Husayn universitetiga zarba bergan. “The Times of Israel” naşrining yozişiça, bu talim muassasasi Islom inqilobi qöriqçilari korpusi bilan boğlangan.