Rossiya Odessaga hujum uyuştirdi. Qurbonlar bor

Bugun, 28 iyun tongida Rossiya qöşinlari Odessa şahriga dronlar yordamida hujum uyuştirdi. Oqibatda bir er-xotin halok böldi. Bu haqda Odessa viloyat prokuraturasi xabar berdi.
Qayd etilişiça, dronlardan biri 21 qavatli turarjoy binosiga urilgan. Oqibatda 7-qavatdan 9-qavatgaça bölgan xonadonlarni qamrab olgan yonğin yuz bergan, kamida 17 kişi jarohat olgan. Ularning orasida 3, 7 va 14 yoşli uç nafar bola bor. Olti nafar jarohatlangan şaxs şifoxonada qolmoqda, ulardan uçtasi, şu jumladan bir bola oğir ahvolda.

“Tibbiyot xodimlarimiz har bir insonning hayoti va soğliğini saqlab qoliş uçun qölidan kelgan barça işni qilmoqda”, deydi Odessa viloyati harbiy mamuriyati rahbari Oleg Kiper

Ukraina Qurolli kuçlariga köra, Rossiya bu hujumda 23 ta uçuvçisiz uçiş apparati, jumladan, zarba beruvçi dronlardan foydalangan. Ukraina havo mudofaasi deyarli barça nişonlarni urib tuşirişga muvaffaq bölgan, biroq bitta dron belgilangan obektga yetib borgan va odamlar halok bölişiga sabab bölgan.

Qayd etiş joiz, Rossiya qöşinlari muntazam ravişda Ukrainadagi fuqarolik infratuzilmalariga zarba bermoqda. Masalan, keça, 27 iyun kuni Dnepropetrovsk viloyatining Samara şahriga uyuştirilgan hujumda 5 kişi halok bölgan, yana 23 kişi yaralangan, ularning tört nafari oğir ahvolda. 25 iyun kuni keçasi esa Xarkov şahri dronlar bilan hujumga uçradi – barça zarbalar şaharning Kiyev tumaniga tuşdi. Fuqarolik korxonasi va aholi yaşamaydigan turarjoy binosi yaqinidagi hudud zarar kördi. Bir kişi şifoxonaga yotqizilgan.