Qozoğistonda kuydirgi tarqaldi. Ikki qişloq karantinga olindi

Qozoğistonning Aqmola viloyati Otbosar tumanidagi ikki qişloq kuydirgi aniqlangani sababli karantinga yopildi. Bu haqda Qozoğiston Qişloq xöjaligi vaziri Aydarbek Saparov malum qildi.
Qayd etilişiça, joriy yilning iyun oyi oxirida Soğliqni saqlaş vaziri Aqmaral Alnazarova Otbosar tumanida bir neça kişida kuydirgi aniqlangani haqida xabar bergan. Öşanda tört nafar bemor haqida aytilgan, ularning ahvoli örtaça oğirlikda deb baholangan. Vazir ularning barçasiga zarur tibbiy yordam körsatilayotganini bildirgan, epidemiya tarqalişining oldini oliş çoralari körilayotgani aytilgan. Öşa vaqtda Alnazarova tumanda karantin joriy etilmasligini bildirgan.
Ammo malum bölişiça, Otbosarda karantin baribir joriy etilgan. Aydarbek Saparovning aytişiça, kasallik aniqlangan qişloqlarda dastlab çeklov çoralari joriy etişgan. Hozirda 7 kişida kuydirgi aniqlangan, ulardan biri oğir ahvolda.

“Bu hududlarga na odamlar, na çorva harakati bölişi kerak. Biz ularni tösib qöydik, şlagbaum örnatildi. Respublika epizootik guruhimiz dezinfektsiya, işlov beriş va yöq qiliş işlarini olib bordi. Laboratoriya xulosasini olganimiz zahoti 1 iyul kuni karantin elon qildik. 19 kişi kasallangan, ulardan biri oğir ahvolda, qolganlarining ahvoli örtaça. Ular şifokorlar nazoratida, soğayişmoqda. Soğliqni saqlaş tizimi ularni nazoratga olgan,” deydi Saparov hukumat brifingida.