“Fojia”. Afğonistonda zilzila qurbonlari 600 dan oşib ketdi 

Keça, 31 avgust kuni Afğoniston şarqida, Pokiston bilan çegaradoş hududda 6,0 magnitudali kuçli zilzila sodir böldi va uning ortidan 600 dan ortiq odam halok böldi. Bu haqda “Reuters” xabar berdi.

Rasmiy malumotlarga köra, Kunar viloyatida 610 kişi halok bölgan, qöşni Nangarhor viloyatida esa 12 kişi vafot etgan, jarohatlanganlarning umumiy soni 1 ming 550 kişidan oşgan, ulardan 1 ming 300 nafari Kunar viloyatidan. 
Talafot yuz bergan hududlarga vertolyotlar safarbar etilgan, çunki köçkilar tufayli yöllar yopilib, qutqaruvçilar bir qança hududlarga kira olmagan. Jarohatlanganlarni qutqariş va olib çiqiş işlari davom etmoqda. Vayronalar ostida qolib ketganlar ham borligi sababli qurbonlar soni yanada oşişi mumkin. 
Hozirga qadar Nangarhor aeroportidan Kunar viloyatiga 35 ta parvoz amalga oşirilgan va 335 nafar jarohatlangan Nangarhor mintaqaviy şifoxonasiga yetkazilgan. Qolganlarni ham köçiriş işlari davom etmoqda.
Mahalliy aholining takidlaşiça, bu hodisa mamlakatni qamrab olgan eng kuçli zilzilalardan biri bölgan.

Tebraniş tunda 23:47 da yuz bergan. Oradan 20 daqiqa ötib, Nangarhor viloyatida yana 4,5 magnitudali zilzila qayd etilgan. Zilzila tunda sodir bölgani uçun ham köpçilik uyquda bölgan va vayronalar ostida qolib ketgan. 

Rasmiylarning sözlariga köra, halok bölgan va jarohatlanganlar haqidagi raqamlar hali yakuniy emas, çunki köplab çekka hududlarda aholi bilan aloqa örnatilmagan. 
Birlaşgan Millatlar Taşkiloti mahalliy hokimiyatga qutqaruv va yordam işlarida kömaklaşayotganini iddao qilgan. 

“Afğonistonning şarqiy qismida yuz bergan halokatli zilzila yuzlab insonlarning hayotiga nuqta qöydi, yana köplab odamlar jarohat oldi. Bizning jamoalarimiz hududda bölib, zudlik bilan yordam va köplab odamlarni hayotlarini saqlab qoliş böyiça işlamoqda”, deyiladi BMTning ijtimoiy tarmoqlardagi xabarida.