Eron sobiq qömondoni musulmon davlatlarni Isroilga qarşi harbiy ittifoq tuzişga çaqirdi

Eron Islom inqilobi qöriqçilari korpusi sobiq qömondoni Muhsin Rizoyiy musulmon davlatlarni Isroilga qarşi harbiy ittifoq tuzişga çaqirdi. Bu haqda Iran International xabar berdi.

Rizoyiy Qatarda bölib ötadigan arab va musulmon davlatlari rahbarlari sammitiga işora qildi. U Isroilga qarşi turiş uçun harbiy koalitsiya tuzişni ilgari surdi.

“Agar Islom konferensiyasi uçraşuvi Isroilning beşta islom mamlakatiga hujumlari va Ğazodagi genotsidiga qarşi amaliy çoralar körişga olib kelmasa, Saudiya Arabistoni, Turkiya va Iroq ham bu hukumatning qiruvçi samolyotlari va bombalarini kutişga majbur böladi. Isroil mintaqadagi har bir mamlakatga alohida hujum qilmasidan oldin, unga qarşi turiş uçun harbiy koalitsiya tuzilişi kerak”, dedi Rizoyiy.

Şia ruhoniysi Jalol Razaviy-Mehr esa qöşma Islom armiyasini tuzişgaçaqirdi. Uning sözlariga köra, “mazkur armiya Islom davlatlarining mudofaa va harbiy kuçlaridan iborat bölib, yagona qömondonlik ostida, umumiy mudofaa va zarur bölsa, hujum doktrinasi asosida harakat qilişi kerak”.