“Putin Yevropaning boşqa bir davlatiga hujum qilişga tayyorlanmoqda” — Zelenskiy

Rossiya prezidenti Vladimir Putin uruşni kengaytirib, Yevropaning boşqa mamlakatiga hujum qilişi mumkin. Bu haqda Ukraina prezidenti Vladimir Zelenskiy nutqiga tayanib, The Guardian xabar berdi.

Zelenskiy NATO mudofaasini sinab köriş maqsadida Rossiya Yevropaga dronlar uçirayotganini aytdi. Bu bilan Rossiya kattaroq uruşga tayyorlanayotganini prognoz qildi.

“Putin Ukrainadagi uruşini tugatişni kutib ötirmaydi. U boşqa yönalişda front oçadi. Qayerdaligini heç kim bilmaydi. U şuni istaydi”, dedi Zelenskiy.

Prezidentning aytişiça, Rossiya Yevropa osmonini himoya qiliş qobiliyatini ataylab tekşirmoqda. Buni sönggi kunlarda Daniya, Polşa va Ruminiya hududida aniqlangan rus dronlari tasdiqlaydi. Şuningdek, Rossiya qiruvçi samolyotlari Estoniya havo hududiga ham buzib kirgan.

26 sentyabr kuni keçasi Daniyadagi harbiy baza ustida, 27 sentyabr kuni esa Norvegiyadagi baza ustida dronlar parvozi qayd etilgan. Zelenskiy Yevropa Ittifoqi davlatlari bu yangi va xavfli tahdidga qarşi kuraşişda qiynalayotganini aytdi. Uning sözlariga köra, oy boşida Ukraina Polşa tomon uçgan 92 ta dronni aniqlagan, ularning köpini urib tuşirgan. 19 tasi Polşa hududiga ötib ketgan va Varşava esa ularning 4 tasini yöq qilgan.

“Men kuçlarimizni taqqoslayotganim yöq. Biz uruşdamiz va ular (Polşa) uruşmayapti”, dedi Ukraina rahbari.

Zelenskiy Rossiya havo hujumlarini qanday qaytariş böyiça “amaliy maşğulotlar” oliş uçun Ukrainaga nomi oşkor etilmagan bir qator davlatlar vakillari borişini aytdi.

“Biz öz tajribamiz bilan örtoqlaşişga tayyormiz”, dedi siyosatçi.

Zelenskiyning sözlariga köra, u BMT boş assambleyasi doirasida Tramp bilan “juda yaxşi” muzokaralar ötkazgan. Uçraşuvdan söng AQŞ prezidenti Ukraina Yevropa va NATO kömagida 2022-yildan beri yöqotgan barça hududlarini qaytarib olişiga işonişini aytgan. Sönggi oylarda Kiyev Rossiya neftni qayta işlaş zavodlariga mahalliy işlab çiqarilgan uzoq masofali dronlar bilan bir qator muvaffaqiyatli zarbalar berdi.

“Agar Kreml bu qişda yana Ukraina energetika infratuzilmasini vayron qilişga urinsa, Rossiya poytaxti qoronğilikka botadi”, dedi Vladimir Zelenskiy.