Xuşxabar! Isroil va HAMAS uruşni tugatiş böyiça kelişuvga erişdi 

Isroil va HAMAS örtasida Ğazo sektorida öt oçişni töxtatiş böyiça kelişuv imzolandi. Bu haqda AQŞ Prezidenti Donald Tramp özining Truth Social tarmoğida yozib qoldirdi.

Malum qilinişiça, bu bosqiç öt oçişni töxtatiş, garovdagilarni ozod qiliş va Isroil qöşinlarini qisman olib çiqişni nazarda tutadi. Tomonlar Trampning uruş töxtagani böyiça malumotni rasman tasdiqlagan. Muzokaralar Misrning Şarm-al-Şayx şahrida, Qatar, Misr va Turkiyaning vositaçiligida ötkazilgan.

Tinçlik rejasining birinçi bosqiçi jangovar harakatlarni töxtatiş, garovdagilar va mahbuslarni almaşiş, şuningdek, gumanitar çoralarni öz içiga oladi. HAMAS barça tirik garovdagilarni (sönggi malumotlarga köra, ularning soni 20 nafar) tez orada ozod qiliş majburiyatini olgan, Isroil esa qöşinlarini kelişilgan çiziqqaça olib çiqadi. Rejaga köra, xalqaro tuzilmalar – BMT va Qizil Xoç qömitasi nazorati ostida gumanitar taşkilotlarning Ğazo sektoriga kiriş imkoniyati kengaytiriladi.

 “Isroil va HAMAS tinçlik rejasining birinçi bosqiçini imzoladi. Barça garovdagilar yaqin orada ozod qilinadi, Isroil esa qöşinlarini kelişilgan çiziqqaça olib çiqadi. Bu uzoq muddatli tinçlik sari ilk qadam. Bu arab va musulmon dunyosi, Isroil va AQŞ uçun buyuk kun. Biz bu voqeani amalga oşirişda yordam bergan Qatar, Misr va Turkiya vositaçilariga minnatdorlik bildiramiz. Tinçlik örnatayotganlar muborak bölsin”, deya yozgan Tramp.

“Reuters” xabariga köra, Şarm-al-Şayxdagi muzokaralarda AQŞ, Isroil, Misr, Qatar va Turkiya vakillari iştirok etgan. Ular yopiq şaklda, milliy xavfsizlik böyiça maslahatçilar va Yaqin Şarq böyiça maxsus vakillar iştirokida bölib ötgan. Qatar va Misr tomonlar örtasidagi asosiy vositaçilar sifatida takliflarni uzatiş va almaşuv parametrlarini muvofiqlaştirişga masul bölgan.