Putin şeriklarini “Tolibon” bilan hamkorlikka çorladi

Afğonistonda köplab terrorçi guruhlar ekstremizm ğoyalarini tarqatişga harakat qilmoqda, ammo “Tolibon” muvaqqat hukumati terrorizm va narkotrafikka qarşi hamkorlikka tayyor. Bu haqda keça, 9 oktyabr kuni Rossiya Prezidenti Vladimir Putin Tojikistonning Duşanbe şahrida ötkazilgan “Rossiya – Markaziy Osiyo” ikkinçi sammitida söz oçdi. 

Putinga köra, Rossiya “Tolibon” muvaqqat hukumatining terrorçilikka qarşi kuraşiş yölidagi say-harakatlarini qöllab quvvatlaydi. Uning qöşimça qilişiça, “Tolibon” boşqa mintaqa vakillari bilan bu yönalişda hamkorlik qilişga tayyor. 
Yaqin Şarqdagi mojaro haqida gapirar ekan, Putin Ğazo sektoridagi fojiali holatni “inqiroz” deb atagan. U AQŞ Prezidenti Donald Trampning tinçlik taşabbuslarini ijobiy baholab, Rossiya bu say-harakatlarni amalda qöllab-quvvatlayotganini urğulagan. 

Putinga köra, Yaqin Şarq muammosini faqat siyosiy-diplomatik yöl bilan hal qiliş mumkin, uzoq muddatli barqarorlik uçun esa mustaqil Falastin davlati tuzilişi zarur.
Şuningdek, u Eron yadroviy dasturi masalasida ham faqat diplomatik yöl bilan kelişuvga erişiş mumkinligini aytib, Rossiya Eron va Xalqaro atom energiyasi agentligi (MAGATE) örtasidagi muloqotni qöllab-quvvatlaşini bildirgan.

Putin öz nutqini yakunlar ekan, sammitda qabul qilingan kommyunike va harakatlar rejasi Rossiya bilan Markaziy Osiyo davlatlari örtasidagi döstona, özaro foydali munosabatlarni yanada mustahkamlaşga xizmat qilişiga işonç bildirgan.