Rossiyada hibsga olingan amaldorlar rekord darajada köpaydi

Joriy yilda Rossiyada yuqori lavozimli amaldorlarga qarşi jinoiy işlar soni misli körilmagan darajada oşdi. Bu haqda “Novaya Gazeta Evropa” naşri xabar berdi.

Naşrning hisob-kitoblariga köra, yil boşidan buyon 155 nafar mansabdor şaxs hibsga olingan. Bu körsatkiç 2024 yilgi raqamdan (122 kişi) ham oşgan. Soliştiriş uçun, 2023 yilda 73, 2022 yilda esa atigi 33 amaldor hibsga olingan.
Ayniqsa, joriy yilning avgustidan oktyabr örtalarigaça bölgan muddat eng faol bölib, bu davrda 50 dan ortiq yuqori lavozimli amaldor va deputatlar qölga olingan. Ular orasida törtta vitse-gubernator va sakkiz nafar vazir bor. Hibsga olinganlar içida Sverdlovsk viloyatining sobiq vitse-gubernatori Oleg Çemezov hamda Krasnodar ölkasining sobiq vitse-gubernatori Aleksandr Vlasov bor. Ular hibsga olinişi oldidan lavozimlarini tark etgan.
Şuningdek, hibsga olinganlar röyxatida Doğistonning sobiq soğliqni saqlaş vaziri Tatyana Belyayeva, Vladimir şahri meri Dmitriy Naumov, Rossiya Gvardiyasi Şimoliy Osetiya boşqarmasi rahbari Valeriy Golota va Arxangelsk viloyatining sobiq soğliqni saqlaş vaziri Aleksandr Gerştanskiy bor.

Bazi jinoiy işlar harbiy mavzuga boğliq. Masalan, Kursk viloyati vitse-gubernatori vazifasini bajaruvçi Vladimir Bazarov Ukraina bilan çegarada mudofaa inşootlari qurilişi vaqtida mablağlarni özlaştirişda gumon qilinmoqda. Mudofaa vazirligining harbiy vakolatxonasi boşliği Andrey Tyurin esa 40 million rubl zarar yetkazgan mudofaa buyurtmasining bajarilmay qolişida ayblanmoqda. Krasnodar ölkasining sobiq vitse-gubernatori Aleksandr Vlasov esa Ukrainadagi bosqin iştirokçilariga möljallangan gumanitar yordamni öğirlaşda gumon qilinib, hibsga olingan.