HAMAS qurollarni taşlaşga kafolat bermaydi
18-10-2025, 14:39
74 марта

HAMAS qurollarni taşlaşga kafolat bermaydi
HAMAS Ğazo uruşi tugagandan sönggi ötiş davrida ham mintaqada xavfsizlik nazoratini öz qölida saqlaşni möljallamoqda. Bu haqda HAMAS siyosiy byurosi azosi Muhammad Nazzalga tayanib, “Reuters” xabar berdi.Uning aytişiça, HAMAS hozirça qurolsizlaniş böyiça aniq majburiyat ola olmaydi – bu esa AQŞning jangovar harakatlarga barham beriş rejalari uçun jiddiy qiyinçiliklar tuğdiradi.
Muhammad Nazzal, şuningdek, vayron bölgan Ğazoni qayta tiklaş uçun guruh beş yilgaça otaşkesimga tayyor ekanini aytdi. Ammo, keyingi bosqiçda nima bölişi haqida kafolatlar, Nazzalga köra, faqat falastinliklarga davlatçilik umidi va istiqbollari berilsagina muhokama qilinadi.
Dohada (Qatar) intervyu bergan Nazzal, HAMAS tomonidan Ğazoda amalga oşirilgan qattiq çoralar va jamoat oldidagi qatllarni himoya qildi. Uning sözlariga köra, uruş paytida “istisno holatlar” böladi va qatl etilganlar odam öldirişda aybdor jinoyatçilar bölgan.
Qurolsizlaniş uçun bosim
HAMAS bu fikrlarni oldin ham har qança bildirgan bölsa-da, Nazzalning aynan hozirgi paytda aytgan gaplari Ğazoda uruşga töliq çek qöyiş harakatlari oldida turgan jiddiy tösiqlarni körsatadi – ayniqsa, otaşkesimning birinçi bosqiçi kelişilganiga bir neça kun ötgan bir vaqtda.
Bu bayonotlar HAMASning pozitsiyalari bilan AQŞ Prezidenti Donald Trampning Ğazo böyiça rejasi örtasida katta tafovutlar mavjudligini oşkor qiladi, ayniqsa, HAMASning qurolsizlanişi va Ğazoni boşqariş tartibi haqidagi muzokaralar arafasida.

Nazzalning sözlari haqida izoh söralganda, Isroil Boş vaziri apparati Isroil otaşkesim kelişuviga sodiq qolayotgani va öz zimmasidagi majburiyatlarni bajarişda davom etişini bildirdi.
“HAMAS 1-bosqiçda barça garovdagilarni ozod etişi kerak edi. Bu amalga oşmadi. HAMAS garovdagi fuqarolarimizning jasadlari qayerdaligini biladi. Kelişuvga köra, ular qurolsizlanişi şart – heç qanday bahonasiz. Ular bunga rioya qilmadi. HAMAS 20 bandik rejaga amal qilişi kerak. Vaqt tugayapti”, deyilgan Isroil bayonotida.