Isroil Ğazoda inson huquqlarini buzmoqda. Şunga qaramay nega AQŞ harbiy yordamni töxtatmaydi?

The Waşington Post naşri öz rasmiy manbalariga tayanib, AQŞ hukumatining nazorat idorasi tomonidan tayyorlangan maxfiy hisobotning ayrim tafsilotlarini oçiqladi. Unda aytilişiça, Isroil harbiy bölinmalari Ğazo sektorida AQŞ inson huquqlari töğrisidagi qonunlarini «bir neça yuz marta» buzgan bölişi mumkin.
Davlat departamentining Boş inspektor idorasi (Office of Inspector General, U.S. Department of State) tomonidan olingan bu xulosalar – Isroilning Ğazodagi jinoyatlari miqyosini AQŞ hukumati darajasida ilk bor tan olgan hisobotdir. Uşbu hisobotga köra, Isroilning harakatlarida AQŞning «Leahy qonunlari» doirasiga kiruvçi holatlar soni juda köp.
"Leahy qonunlari" (Leahy Laws) – bu AQŞning inson huquqlarini himoya qilişga oid federal qonunlar majmuasi. Ular AQŞ tomonidan xorijiy harbiy va xavfsizlik bölinmalariga yordam körsatişda axloqiy çeklovlar örnatadi.

Maxfiy hisobot tafsilotlarini oşkor qilgan AQŞ rasmiylarining WP naşriga aytişiça, nazoratçi idora topilmalari Isroilning harakatlari yuzasidan haqiqiy javobgarlik bölişiga şubha uyğotgan. Buning sababi – jinoiy harakatlar sonining juda köpligi va tekşiruv jarayoni mohiyatan IDFga yon bosuvçi şaklda taşkil etilganidir.
«Men xavotirdaman, çunki mojaroning şovqini pasaygan sayin javobgarlik unutilib ketadi», — degan ilgari Davlat departamentida nazorat idorasini boşqargan Çarlz Blaxa.