AQŞ “uruş” boşlaganini elon qildi 

AQŞ Uruş vaziri Pit Hegset Ğarbiy yarimşarda narkoterroristlarga qarşi “Southern Spear” (Janubiy nayza) nomli harbiy operatsiya boşlanganini elon qildi. Bu haqda Hegset özining X’dagi sahifasida yozib qoldirdi.

“Bugun men “Janubiy nayza” operatsiyasi boşlanganini elon qilaman. “Janubiy nayza” qöşma operativ guruhi va AQŞ Qurolli kuçlarining Janubiy qömondonligi boşçiligida bu missiya yurtimizni himoya qiladi, narkoterroristlarni bizning yarimşarimizdan çiqarib yuboradi va xalqimizni öldirayotgan narkotiklardan mamlakat xavfsizligini taminlaydi. Ğarbiy yarimşar – bu Amerika hududi va biz uni himoya qilamiz”, deya yozgan Uruş vaziri. 

Bundan avval AQŞning eng yirik aviatsiya kemasi USS Gerald R. Ford Janubiy qömondonlik zonasi – Lotin Amerikasi va Karib dengizi hududiga kirgan edi. U mintaqada joylaşgan AQŞ Harbiy-dengiz kuçlarining yana sakkizta kemasiga qöşildi. Kemaning bortida 4 mingdan ortiq harbiy xizmatçi bor, şuningdek, u önlab jangovar qiruvçilar, zarba beruvçi samolyotlar va harbiy vertolyotlarni olib yuradi.