Ukrainadan yirik yuriş. Rossiya kema yöq qilinganini tan olmayapti

Ukrainaning “Sub Sea Baby” nomli suvosti dronlari Novorossiysk portida turgan Rossiyaning “Varşavyanka” suvosti kemasini portlatdi. Bu haqda Ukraina Xavfsizlik xizmati xabar berdi. 

Xavfsizlik xizmati ijtimoiy tarmoqlarda portlaş aks etgan videoni elon qildi. Bayonotda portlaş oqibatida suvosti kema jiddiy şikastlangani va amalda safdan çiqarilgani takidlangan.
 
Ukraina maxsus xizmati malumotiga köra, uşbu suvosti kemada Ukraina hududiga zarbalar berişda qöllaniladigan “Kalibr” qanotli raketalari uçun törtta uçiriş qurilmasi bölgan. Xavfsizlik xizmati “Varşavyanka” sinfidagi bitta suvosti kemaning qiymatini taxminan 400 million dollar deb baholagan.
Rossiya Qora dengiz floti esa Ukrainaning Novorossiyskda Rossiya suvosti kemasi yöq qilingani haqidagi xabarlarini haqiqatga töğri kelmaydi, deb atadi. Bayonotda Ukraina urinişlari “öz maqsadiga yetmagan”, Novorossiyskda “birorta kema yoki suvosti kemasi şikastlanmagan” deyiladi.

“Ukraina maxsus xizmatlari tomonidan Novorossiysk harbiy-dengiz bazasi qöltiğida Qora dengiz flotiga mansub Rossiya suvosti kemalaridan biri göyoki yöq qilingani haqidagi tarqatilgan malumotlar haqiqatga töğri kelmaydi”, deyiladi Rossiya tomonining xabarida.