Suriyada xudkuş terrorçi özini portlatdi 

Suriyaning Halab şahrida xudkuş terrorçi politsiya patruli yaqinida özini portlatib yubordi. Hodisa oqibatida bir nafar politsiya xodimi halok böldi, yana bir neça kişi jarohatlandi. Bu haqda Al Jazeera xabar berdi.
Suriya Içki işlar vazirligi vakili Nureddin al-Babaga köra, hujumning asl nişoni Bab al-Faraj mahallasida bölib ötayotgan çerkov yiğilişi bölişi mumkin.

“Biz bu hujumni bartaraf etişga muvaffaq böldik, ammo, hamkasblarimizdan birining şahid ketişi katta yöqotişdir”, dedi u.

​Malum qilinişiça, politsiya xodimlari terrorçini qölga olişga yaqinlaşgan paytda u portlovçi moslamani işga tuşirgan. Hozirda vakolatli idoralar hodisa tafsilotlarini örganişda davom etmoqda.
Halab gubernatori Azzam al-Ğaribga köra, xavfsizlik kuçlari şahar böylab Yangi yil bayrami tadbirlarini qöriqlaş jarayonida “terrorçi şaxs”ni kuzatib, uni qölga olişga uringan.

“Xavfsizlik xodimlaridan biri uni uşlab qolişga muvaffaq bölgan. Şu paytda terrorçi belboğidagi portlovçi moslamani işga tuşirgan”, dedi al-Ğarib.