Muammar Kaddafiyning öğli öldirildi

Muammar Kaddafiyning ikkinçi öğli Saif al-Islom Kaddafiy Liviyada bölib ötgan janglar çoğida halok böldi. Bu haqda “Al Jazeera” xabar berdi.

Arab OAVlarining yozişiça, Saif Kaddafiy öz uyining boğida qurollangan şaxslar bilan otişma vaqtida öldirilgan. Bu malumotni Kaddafiy oilasiga yaqin manba va uning vakili ham tasdiqlagan.
Liviya telekanali “Al Ahrar” xabariga köra, Saif al-Islom Kaddafiy Ğarbiy Liviyadagi Zintan şahri yaqinida joylaşgan uyining boğida tört nafar qurollangan şaxs tomonidan öldirilgan. Manbaning aytişiça, hujumçilar unga jarohat yetkazgaç, voqea joyidan darhol yaşiringan. Kaddafiyga yaqin siyosiy guruh esa qurollangan şaxslar avval Saif yaşaydigan qarorgohdagi kuzatuv kameralarini işdan çiqarganini bildirgan.

Saif al-Islom qurollangan şaxslar bilan otişmaga kirişgan va mahalliy vaqt bilan soat 14:30 da halok bölgan. Hozirda uning jasadini olib çiqiş böyiça maxsus operatsiya taşkil etilgan. Kaddafiy oilasiga yaqin manba bu hodisa tuşdan buyon davom etgan töqnaşuvlardan söng sodir bölganini aytgan.
“Al-Hadat” telekanali avvalroq ayrim Liviya OAVlari Saif al-Islom Kaddafiy Liviya Milliy Birlik Hukumatiga qaraşli 444-jangovar brigada kuçlari bilan bölgan jangda halok bölganini xabar qilganini yozadi. Biroq, 444-jangovar brigada bu voqeaga aloqadorligini qatiyan rad etgan. Brigada bayonotida Zintan şahri yoki uning hududida ularning harbiy bölinmalari yöqligi, sodir bölgan hodisaga heç qanday bevosita yoki bilvosita aloqasi yöqligi aytilgan.

Malumot uçun, Saif al-Islom Kaddafiy 1972 yil 25 iyunda tuğilgan bölib, 2011 yil kuzida öldirilgan Liviya rahbarining ikkinçi öğli edi. 1997–1998 yillarda u Kaddafiy xalqaro xayriya va hamkorlik jamğarmasini taşkil etişga taşabbus körsatgan. Jamğarma rahbari sifatida u afğon toliblari va Filippindagi isyonçilar bilan ğarbiy garovga olinganlarni ozod qiliş böyiça muzokaralar olib borgan. 2003 yilda Buyuk Britaniya bilan savdo munosabatlari böyiça muzokaralarda faol iştirok etgan.

2008 yilda Saif siyosatdan ketişini va otasining vorisi böliş niyati yöqligini elon qilgan. 2010 yilda u Ğazo sektoriga qöyilgan blokadani yumşatişda faol qatnaşgan. 2011 yilda fuqarolar uruşi vaqtida otasi halok bölgaç, Saif qözğolonçilar tomonidan qölga olinib, sudga tortilgan. 2015 yilda 2011 yilgi namoyişlarni bostiriş bilan boğliq iş böyiça ölim jazosiga hukm qilingan. Ammo, 2017 yil örtalarida umumiy amnistiya töğrisidagi qonun asosida ozod qilingan.
2021 yilda Liviya rasmiy prokuraturasi uni “Vagner” xususiy harbiy kompaniyasi jangçilari bilan aloqadorlikda gumon qilib, hibsga oliş orderini çiqargan.

Muammar Kaddafiy Liviyani 42 yil boşqargan va NATO tomonidan qöllab-quvvatlangan muxolifat oqibatida hokimiyatdan ağdarilgan. 2011 yil 20 oktyabrda u Sirta şahri yaqinida isyonçilar tomonidan öldirilgan. Şundan söng Liviya yagona davlat sifatida faoliyat yurita olmay qolgan va raqobatdagi mamuriyatlarga bölinib ketgan.