Ozarbayjon Rossiya elçisiga nota topşirdi

Rossiyaning Ozarbayjondagi elçisi Mixail Yevdokimov Ozarbayjon Taşqi işlar vazirligiga çaqirildi. Bu haqda Ozarbayjon TIV xabar berdi.

Ozarbayjon Taşqi işlar vazirligi matbuot xizmatining xabar berişiça, vazirlik Rossiya elçisi Mixail Yevdokimovni çaqirib, unga rasmiy norozilik notasi topşirgan.

Bunga sabab sifatida Davlat dumasi MDH işlari, Yevroosiyo integratsiyasi va vatandoşlar bilan aloqalar qömitasi raisining birinçi örinbosari Konstantin Zatulinning respublikada Armaniston fuqarolariga çiqarilgan hukmga doir bayonoti körsatilgan.
Baku Moskva tomonini mintaqada tinçlik va barqarorlikni, şuningdek Ozarbayjon va Rossiya örtasidagi munosabatlarni izdan çiqarişga qaratilgan “buzğunçi faoliyat” va urinişlarni töxtatiş uçun tegişli çoralar körişga çaqirgan.
Qayd etiş joiz, bir kun avval Zatulin Rossiya-Armaniston xalqaro “Lazarev klubi”ning Bakuda Toğli Qoraboğning sobiq rahbariyatiga çiqarilgan hukm yuzasidan bayonotini elon qilgan edi. Unda sud qarori “özboşimçalik” deb baholangan. Zatulin mazkur klub kengaşi koordinatori hisoblanadi.