Töqqiz yoşli bola jahon rekordini örnatdi 

9 yoşli Teodor Zayder Gdansk Speedcubing League musobaqasida kubik-rubikni 2,766 soniyada yiğib, yangi rekord egasiga aylandi. Bu haqda “Euro News” xabar berdi.

U avvalgi rekordni yangiladi. Oldingi natija Xitoy vakili Syuani Genga tegişli bölib, u Şenyang Spring 2025 musobaqasida kubikni 3,05 soniyada yiğgan edi.
Yoş polyak sportçi bir vaqtning özida milliy rekordni ham örnatgan. U Flatåsen Open 2024 musobaqasida kubikni 3,66 soniyada yiğgan Timon Kolasinski natijasini ortda qoldirgan. 

Kubik-rubikni tezlik bilan yiğiş sport turi “spidkubing” deb ataladi. Bu yönalişda professional şuğullanişni istaganlar Butunjahon Kubik Assotsiatsiyasi (WCA) tarkibiga kiradi. Uşbu taşkilot xalqaro sport uyuşmalari kabi faoliyat yuritadi.
WCA iştirokçilar uçun qoidalar va tartiblarni belgilaydi, milliy assotsiatsiyalar kömagida musobaqalar va çempionatlar taşkil etadi. Polşada ham Spidkubing böyiça Polşa Assotsiatsiyasi faoliyat yuritadi.

Malumot uçun, kubik-rubik öz nomini ixtiroçisidan olgan. Uşbu boşqotirma öyinçoq 1974 yilda vengriyalik ixtiroçi, arxitektor va haykaltaroş Ernyo Rubik tomonidan yaratilgan.

Boşqotirma tez orada keng ommalaşdi va u yaratuvçisining nomi bilan ataladigan böldi. Polşada bu öyinçoq “kubik-rubik” deb ataladi, ixtiroçining vatani Vengriyada esa u “sehrli kub” deb nomlanadi.
Kubik-rubikning yaratuvçisi hozirgaça Vengriyada yaşaydi, biroq öz ixtirosi muxlislari hayotida unçalik faol iştirok etmaydi.
Ernyo Rubik kubikni birinçi bölib yeçgan inson ham hisoblanadi. Buning uçun unga bir oy vaqt kerak bölgan.