BAA Eron bilan diplomatik aloqalarni uzdi

Birlaşgan Arab Amirliklari Eronning mamlakat hududiga bergan zarbalari ortidan Tehrondagi elçixonasini yopişga va Eron Islom Respublikasidagi elçisini, şuningdek diplomatik missiya xodimlarini çaqirib olişga qaror qildi. Bu haqda BAA Taşqi işlar vazirligi rasmiy saytida malum qilindi.
Bayonotda aytilişiça, mazkur qaror Eron tomonidan BAA hududiga qaratilgan oçiq raketa hujumlariga javoban qabul qilingan.

Vazirlik Eron zarbalari fuqarolik obektlariga, jumladan turar joylar, aeroportlar, portlar va infratuzilma inşootlariga yönaltirilayotganini takidladi. Islom Respublikasining harakatlari tinç aholi xavfsizligini xavf ostiga qöyayotgani va milliy suverenitet hamda xalqaro huquqning qöpol buzilişi ekani qayd etildi.

Özi nima gap?

28 fevral kuni ertalab Isroil va AQŞning Eronga bergan zarbalaridan söng Tehron Fors körfazi mamlakatlari tomon raketa va dronlar uçirgan. Eron zarbalari nişoni — mintaqadagi AQŞ harbiy bazalari.

BAA Mudofaa vazirligi malumotiga köra, 165 ta ballistik raketa va 541 ta uçuvçisiz moslamalar uçirilgani qayd etilgan, ularning aksariyati tutib qolingan.

Dronlardan biri Dubay aeroportiga urilgan, oqibatda tört kişi jarohat olgan. Yana bir uçuvçisiz apparat parçalari Dubaydagi dunyodagi eng baland mehmonxonalardan biri — beş yulduzli Burj al-Arab mehmonxonasiga zarar yetkazgan.